Kompetensiyalar

VI”A”, “B”
TARIX
42-dars
Darsning mavzusi: Qadimgi Yunoniston afsonalari
Darsning maqsadi:
Ta’limiy: O`quvchilarga Qadimgi yunonlarning afsonalari, ularning qahramonlari haqida tushuncha
berish.
Tarbiyaviy: O`quvchilarda Qadimgi Yunoniston afsonalari, ularning qahramonlari timsolida mardlik,
jasurlikni tarbiyalash, ularda qat`iyat, matonatni shakllantirish.
Rivojlantiruvchi: O`quvchilarning yakka va guruh holda ishlashini tashkil etish orqali o`z-o`zini
baholash ko`nikmasini shakllantirish.
Dars turi: aralash
Dars uslubi: og`zaki, yozma
Dars usuli: “Klaster”, savol-javob, ma`ruza, test
Dars jihozi: darslik, bukletlar, mavzuga oid rasm, atama va tushunchalar yozilgan kartotekalar
Darsning texnologik xaritasi:
I.Tashkiliy qism 2 daqiqa
II. Uy vazifasini tekshirish 10 daqiqa
III.Yangi mavzu mazmunini yoritish 12 daqiqa
IV.Yangi mavzuni mustahkamlash 15 daqiqa
V.O’quvchilarni baholash 4 daqiqa
VI.Uyga vazifa berish 2 daqiqa
Darsning borishi:
I.Tashkiliy qism:
O`quvchilar bilan salomlashish,davomadni aniqlash,darsga jalb qilish,sinfda ishchi muhitini yaratish, dunyoda va O`zbekistonda yuz bergan muhim yangiliklardan qisqacha xabarlar berish.


II.Uy vazifasini tekshirish:
“Klaster”



III.Yangi mavzu bayoni:
Yunon asotirlari (miflari) - xudolar va bahodirlar haqidagi rivoyatlar­ning qahramonlari har xil titanlar (xudolardan tug’ilgan qudratli pahlavonlar), yovuz maxluqotlar, sirenalar (yarim qush, yarim ayollar), kentavrlar (yarim otlar, yarim odamlar), sikloplar - peshanasida bitta dumaloq ko’zi bo’lgan afsonaviy mavjudot­lardir. Asotirlar (yunon tilida "mif") mamlakat tarixidagi qadimgi davr haqida ko’p narsalarni bilishga imkon beradi. Ular Olamning yaratilishi, Уer yuzida hayot va odamning paydo bo’lishi, qahramonlar jasorati va dengiz sayohatlari haqida hikoya qiladi. Yunon asotirlari rang-barang va qiziqarlidir. Olam va xudolarning kelib chiqishi haqidagi asotir ham maroqli. Avvalboshda Yer va Osmon - Geya va Uran bunyod etilgan. Ular Olamni boshqaruvchi titanlarni dunyoga keltirdilar, Olimp tog’ida yashovchi xudolar ularni taxtdan ag’darmagun­cha hukmronlik qildilar. Asotirlarda aytilishicha, azalda Yer hamma tomonidan den­gizlar bilan o’ralgan edi. Dastlab ularning hukmdori Okean degan titan bo’lgan. Ulkan osmon gumbazi Yerning bir chek­kasida turguvchi Atlas degan titan yelkalariga suyanib turardi. Yunonlarning rivoyatlari Gerakl, Axill, Tesey va Ayaks singari bahodir qahramonlar jasorati haqida naql etadi. Ularning barchasi matonat, kuch-qudrat va aql-zakovat kabi fazilatlarga ega bo’lgan. O’n ikki jasorati tufayli Gerakl Olimp tog’idagi xudolar saltanatida faxrli o’ringa ega bo’lgan ekan.