Компания Бошқарувининг 200 йил

8.5. Кредит олувчи (қарздор)нинг ҳуқуқи:
а) ушбу шартнома тузилишидан аввал суғурта қилиш шартлари билан танишиб чиқиш;
б) мазкур шартнома амал қилиши даврида суғурта қилиш бўйича суғурталовчидан маслаҳатлар олиш;
в) суғурта ҳодисаси содир бўлганда ўз ҳисобидан мустақил экспертиза ўтказишни талаб қилиш;
г) суғурталовчининг розилиги билан шартномага қўшимчалар ва/ёки ўзгартиришлар киритиш;
д) мазкур шартнома шартларига кўра суғурта ҳодисаси деб тан олиниши мумкин бўлган содир бўлган воқеалар юзасидан тергов ишларида иштирок этиш;
е) Ўзбекистон Республикасининг амалдаги қонун ҳужжатларига мувофиқ ва шартнома шартлари бўйича ушбу шартномани муддатидан олдин бекор қилиш;
ж) суғурталовчи суғурта товонини тўлашни рад қилиши бўйича судга шикоят қилиш;
з) суғурта полиси йўқолган тақдирда Ўзбекистон Республикасида амал қилаётган энг кам иш ҳақининг 5 (беш) фоизи миқдорида жарима тўлаган ҳолда суғурта полиси дубликати (ҳужжатнинг асли билан тенг ҳуқуқли нусхаси)ни олиш.
8.6. Кредит олувчининг (қарздор)нинг мажбуриятлари:
а) мазкур шартнома амал қилиши даврида суғурта ҳодисаси содир бўлиши эҳтимоли ошишига сабаб бўлувчи таваккалчилик ва ҳолатлар бўйича омилларни аниқлаш учун барча зарур ишончли маълумотларни суғурталовчига шартнома тузиш пайтида маълум қилиш;
б) кредит шартномаси шартларига асосан кредит маблағидан мақсадли фойдаланиш ва кредит маблағини белгиланган тартибда ва ўз вақтида кредит берувчига қайтариб бериш (тўлаш);
в) суғурта ҳодисаси содир бўлиши мумкин бўлган ҳолатларни олдини олиш учун ўз ҳисобидан чора-тадбирлар кўриш. Суғурта ҳодисаси содир бўлса ушбу шартнома шартлари ва тартиби бўйича муддатида суғурталовчини хабардор қилиш, ҳамда белгиланган тартибда зарарни камайтириш учун барча мумкин бўлган чора-тадбирларни кўриш;
г) суғурталовчи билан ёзма тартибда келишилмасдан кредитлаш муддатини ва кредит лимитини ўз ичига олган кредит шартномаси шартлари ва муддатларига ўзгартириш киритмаслик ҳамда қисқартирмаслик;
д) юридик манзили, банк реквизитлари ўзгарганда, қайта ташкил қилинганда ёки тугатилганда суғурта қилдирувчига бу ҳақда 5 (беш) кун ичида маълум қилиш.