Komoliddin behzod nomidagi milliy rassomlik va dizayn instituti

II. MARKAZIY OSIYODA QADIMGI DAVR ZARGARLIK SAN’ATI
2.1. Qadimgi davr zargarlik buyumlarini o’rganilish tarixi va tavsifi……….38.
2.2. Yunon-Baqtriya davlati tarixi ..................................................................47.


III. ZARGARLIK BUYUMLARINI REKONSTRUKSIYASI VA KONSERVATSIYASI
3.1. Qadimgi davr zargarlik buyumlarini rekonstruksiya ...........................59.
3.2. Zargarlik buyumlarini konservatsiyalash ...............................................61.
XULOSA .....................................................................................................63.


ADABIYOTLAR RO’YXATI ...................................................................66.


ILOVALAR .................................................................................................67.


KIRISH

Mustaqillik yillarida mamlakatimiz hududida qadimgi davrlardan boshlab rivojlangan qishloqlar, shaharlar va sivilizatsiya markazlarining boy o‘tmishini arxeologik jihatdan tadqiq etish va tarixiy jarayonlarni tiklash bo‘yicha muayyan ishlar amalga oshirildi. O‘zbekiston hududi tosh davridan boshlab o‘zlashtirilganligi, mamlakatimiz jahondagi ilk shaharsozlik va davlatchilik shakllangan markazlardan biri bo‘lganligi, tariximiz va madaniyatimiz chuqur ildizlarga ega ekanligi ilmiy jihatdan asoslandi.Fan, ta’lim va iqtisodiyotning jadal integratsiyalashuvida respublika hududida olib borilayotgan arxeologik tadqiqotlarni zamon talablari asosida yo‘lga qo‘yish, qazishmalarni keng ko‘lamda tashkil etish, yoshlarni arxeologik izlanishlar bilan tanishtirish hamda ochilgan qadimiy noyob me’morchilik namunalarini ochiq osmon ostida muzeylar shaklidagi turizm obyektlariga aylantirish bugungi kunning muhim masalasi bo‘lib qolmoqda.

So‘nggi yillarda amalga oshirilayotgan jadal islohotlar arxeologik tadqiqotlarni tubdan takomillashtirish, yirik arxeologik yodgorliklarda keng ko‘lamli tadqiqotlarni olib borish, qadimiy tariximiz va boy madaniyatimizni xalqimizga va jahon hamjamiyatiga targ‘ib qilish zarurligini inobatga olindi. O‘zbekiston Respublikasi Fanlar akademiyasi Arxeologik tadqiqotlar instituti tomonidan O‘zbekiston Milliy matbuot markazida o‘tkazilgan matbuot anjumanida xuddi shu mavzu yoritilgan edi.
So‘nggi ikki yil ichida O‘zR FA Arxeologik tadqiqotlar instituti olimlari tomonidan qator ishlar amalga oshirildi. Xususan, Kofirqala yodgorligida (Samarqand viloyati) yog‘och panno qoldiqlari topilib, ta’mirlandi. Axsikent yodgorligida (Namangan viloyati) qazishma ob’ektlari muzeylashtirildi. Toshbulok yodgorligida (Jizzax viloyati) dengiz sathidan 2000 m balandlikda Qoraxoniylar shahri qoldiqlari topilib, zamonaviy texnologiyalar asosida o‘rganildi.Poykent shahar yodgorligi atrofida rabot-karvonsaroylarning klassik ko‘rinishi ochib o‘rganildi. Qirqxujra yodgorligida (Namangan viloyati) Farg‘ona vodiysining eng qadimgi shaharlaridan biri kashf qilindi. Termiz shahar yodgorligida yer osti Budda ibodaxonasi va undan “muqaddas stupa”, buddaviy rohib va ma’bularning koldiklari topildi.Qadimiy yozma manbalarni saqlash, tadqiq va targʻib qilish tizimi yanada takomillashtirildi, Imom Termiziy xalqaro ilmiy-tadqiqot markazi, Oʻzbekiston Respublikasi Vazirlar Mahkamasi huzurida Oʻzbekistonga oid xorijdagi madaniy boyliklarni tadqiq etish markazi va Oʻzbekistondagi Islom sivilizatsiyasi markazi tashkil etildi.
O'zbеkision hududida turli davrlarga oid ko'plab arxеologik yodgorliklar aniqlangan. Ulardan esa qazishmalar natijasida bir necha minglab osori-atiqalar topilgan. Mazkur buyumlar bizning ajdodlarimizning hayotidan so'ylovchi manbalardir. Shunga kora biz ularni ko'z qorachig’imizday asrashimiz, o'rganishimiz va kelgusi avlodlarga yetkazishimiz zarur.Vatanimizda qisqa tarixiy davr ichida davlat va jamiyat qurilishi borasidagi siyosiy jarayon bilan birgalikda ijtimoiy, iqtisodiy va ma'naviy sohalarda jadal o'sishni sezish mumkin. Bu esa mamlakatimiz taraqqiyoti ustuvor yo'nalishini belgilab beradi. Mustaqillik davrida har bir yoshning qobiliyatlari va imkoniyatlarini namoyon qila olishlari uchun to'liq imkoniyatlar yaratish tom ma'noda davlat siyosatiga aylandi.