quyidagilar to‘g‘risida ahdlashib oldilar:
1-modda
O‘zaro xavfsizlikni ta’minlash, global tahdid va da’vatlarga qarshi harakat qilish, mintaqaviy barqarorlikni mustahkamlash, siyosiy, iqtisodiy va gumanitar sohalardagi hamkorlikni kengaytirishga qaratilgan strategik sherikchilik O‘zbekiston Respublikasi bilan Rossiya Federatsiyasi o‘rtasidagi munosabatlarni uzoq muddatli va har tomonlama rivojlanishining kuchli asosini shakllantiradi.
2-modda
Tomonlar eng avvalo oliy va yuqori darajadagi muntazam uchrashuvlar mexanizmidan foydalanib hamda uni rivojlantirib, muntazam fikr almashuvini amalga oshirish va ikki tomonlama munosabatlar masalalari, o‘zaro qiziqish uyg‘otuvchi dolzarb xalqaro muammolar bo‘yicha pozitsiyalarni kelishgan holda teng huquqli strategik sherikchilikni mustahkamlaydilar.
3-modda
Tomonlar Birlashgan Millatlar Tashkilotida, uning ixtisoslashtirilgan muassasalarida, Yevropada xavfsizlik va hamkorlik tashkilotida, boshqa davlatlararo tuzilmalarda o‘zaro faol hamjihatlik qiladilar. Ular xalqaro protseduralar doirasida o‘zlarining milliy manfaatlariga ta’sir etuvchi masalalarni ko‘rib chiqilishida bir-birlarini qo‘llab-quvvatlaydilar.
Tomonlar Markaziy Osiyoda mintaqaviy xavfsizlikning kuchli va samarali tizimini yaratishga qaratilgan harakatlarni muvofiqlashtiradilar. Ushbu maqsadlarda doimiy asosda, shuningdek zarur hollarda xavfsizlik kengashlari, tashqi ishlar vazirliklari va boshqa manfaatdor vazirlik va idoralar darajasidagi ikki tomonlama maslahatlashuv mexanizmlarini tuzadilar.
4-modda
Tomonlar o‘zaro xavfsizlik manfaatlari yoki ulardan birining xavfsizlik manfaatlariga salbiy ta’sir etishi mumkin bo‘lgan holat yuzaga kelgan taqdirda, o‘zaro kelishuvga muvofiq pozitsiyalarni kelishish va shunday holatni tartibga solish bo‘yicha amaliy choralarni muvofiqlashtirish uchun tegishli maslahatlashuv mexanizmini ishga soladilar.
5-modda
Tomonlar boshqa Tomonning suverenitetiga, xavfsizligiga va hududiy yaxlitligiga ziyon keltiruvchi har qanday xatti-harakatlarni, shu jumladan, uchinchi davlatlar bilan shartnomalar tuzishni amalga oshirmaydilar. Hech qaysi Tomon o‘z hududining uchinchi davlatlar tomonidan boshqa Tomonning davlat suvereniteti, xavfsizligi va hududiy yaxlitligiga ziyon keltirgan holda foydalanilishiga yo‘l qo‘ymaydi.
6-modda
Terrorizmga va ekstremizmning boshqa zo‘ravon ko‘rinishlariga, ommaviy qirg‘in qurolini tarqatishga, giyohvandlik vositalari, psixotrop moddalar va ularning prekursorlari noqonuniy aylanmasiga, transmilliy uyushgan jinoyatchilikka va xalqaro tinchlik hamda xavfsizlikning yangi da’vat va tahdidlarga qarshi samarali harakat qilish maqsadlarida Tomonlar tegishli shartnoma va bitimlar, shuningdek boshqa xalqaro-huquqiy instrumentlar asosda xavfsizlik kengashlari, tashqi siyosiy, mudofaa, huquqni muhofaza qiluvchi idora va maxsus xizmatlar o‘rtasidagi sherikchilik aloqalarini qo‘llab-quvvatlaydilar.
7-modda
Tomonlar harbiy va harbiy-texnikaviy hamkorlikni tegishli bitimlar asosida amalga oshiradilar. Ushbu hamkorlikning ustuvor yo‘nalishlari quyidagilar hisoblanadi:
— Rossiya Federatsiyasidan O‘zbekiston Respublikasiga harbiy maqsaddagi mahsulotlarni yetkazib berish;
— O‘zbekiston Respublikasidagi mavjud harbiy texnikani, bunga harbiy-havo kuchlari va havodan mudofaa vositalari ham kiradi, sog‘lom holatda saqlash va modernizatsiyalash, shu jumladan O‘zbekiston Respublikasida mavjud sanoat-texnika bazasidan foydalangan holda;
— Rossiya Federatsiyasining harbiy o‘quv muassasalarida O‘zbekiston Respublikasi Qurolli Kuchlari uchun zobit kadrlarni tayyorlash;
— O‘zbekiston Respublikasi va Rossiya Federatsiyasi qurolli kuchlarining harbiy tayyorgarligi qo‘shma tadbirlarini o‘tkazish, shuningdek ushbu mavzudagi Tomonlar o‘tkazadigan tadbirlarda qatnashish;
— O‘zbekiston Respublikasi hududida mavjud bo‘lgan infratuzilmadan foydalangan holda Yer va kosmik fazoni tadqiq etish davlatlararo kosmik dasturlarini amalga oshirishda hamkorlik.
Ikki tomonlama harbiy-texnikaviy hamkorlik jarayonida yaratilgan intellektual faoliyat natijalariga bo‘lgan mutlaq huquqlar to‘g‘risidagi masala tegishli hukumatlararo bitim tuzish orqali tartibga solinadi.
8-modda
Xavfsizlikni ta’minlash, tinchlik va barqarorlikni saqlash maqsadlarida Tomonlar zarur hollarda bir-birlariga alohida bitimlar asosida o‘zlarining hududlarida joylashgan harbiy obyektlardan foydalanish huquqini beradilar.
9-modda
Tomonlar quyidagi sohalardagi integratsiya va hamkorlikni jadal rivojlantirish maqsadida savdo-iqtisodiy hamkorlik doirasida kelishilgan sa’y-harakatlarni bajarish majburiyatini oladilar:
— yonilg‘i-energetika kompleksi;
— aviaqurilish;
— transport va kommunikatsiya;
— bank sohasi;
— energetika;
— atom energiyasidan tinch yo‘lda foydalanish.
Do'stlaringiz bilan baham: |