Кодекс билан тартибга солинадиган муносабатлар

17-модда. Марказий сайлов комиссиясининг Котибияти
Марказий сайлов комиссиясининг фаолиятини таъминлаш учун унинг Котибияти тузилади.
Котибият ишига Марказий сайлов комиссиясининг котиби раҳбарлик қилади.
Котибиятнинг тузилиши, штатлари ва унинг иш тартиби Марказий сайлов комиссиясининг Раиси томонидан тасдиқланади.
18-модда. Ўзбекистон Республикаси Марказий сайлов комиссиясининг Регламенти
Марказий сайлов комиссияси фаолиятининг тартиби Марказий сайлов комиссиясининг мажлисида қабул қилинадиган Регламентида белгиланади.
LexUZ шарҳи
Қаранг: 14-моддасининг ўттиз тўртинчи хатбоши.
19-модда. Вилоят, туман ва шаҳар сайлов комиссияларини тузиш
Маҳаллий Кенгашларга сайловни ташкил этиш ва ўтказиш учун:
халқ депутатлари вилоят Кенгашига сайлов ўтказиш бўйича вилоят сайлов комиссияси;
халқ депутатлари туман Кенгашига сайлов ўтказиш бўйича туман сайлов комиссияси;
халқ депутатлари шаҳар Кенгашига сайлов ўтказиш бўйича шаҳар сайлов комиссияси тузилади.
Олдинги таҳрирга қаранг.
Вилоят, туман, шаҳар сайлов комиссиялари тегишли маҳаллий Кенгашлар томонидан сайловга камида саксон кун қолганида ўн бир — йигирма бир нафар комиссия аъзосидан иборат таркибда тузилади ҳамда ўз ваколатларини кейинги сайлов кампанияси бошланганлиги эълон қилингунига қадар амалга оширади.
(19-модданинг иккинчи қисми Ўзбекистон Республикасининг 2021 йил 8 февралдаги ЎРҚ-670-сонли Қонуни таҳририда — Қонун ҳужжатлари маълумотлари миллий базаси, 09.02.2021 й., 03/21/670/0089-сон)
Вилоят, туман, шаҳар сайлов комиссияларининг раислари ушбу комиссия аъзолари орасидан сайлов комиссияси мажлисида тегишли маҳаллий Кенгашнинг тақдимномасига биноан сайланади.
Комиссия раисининг ўринбосари ва комиссия котиби комиссия мажлисида унинг аъзолари орасидан сайланади. Вилоят, туман, шаҳар сайлов комиссиялари расмий веб-сайтларида ва матбуот нашрларида ўз таркиби, манзили ва комиссиянинг телефон рақамлари тўғрисидаги маълумотларни эълон қилади.