Клиник реставрацион стоматология

Stomatolog shifokorning asbob stoli - stomatologik kreslo bilan yonma-yon joylashgan bo'lib, u ikki oynavand tokchadan iborat. Yuqori tokchasi yupqa oynali, pastki tokchasi qalin oynalidir.

Oyna yuzalari toza bo'lishi va kun bo'yi antiseptik eritma bilan artib turilishi lozim.

Tibbiy hamshira yuqori oyna yuzasida ish uchun Iozim bo'lgan barcha ashyolarni qo'yishi, oynaning old yuzasi bo'sh bo'lishi kerak. Bu qismda ish jarayonida foydalaniladigan asboblar solingan idish (buyraksirnon toscha) va keng qo'llaniladigan borlar solingan Petri kosachasi qo'yiladi. Oynaning orqa tarafida paxta bolish­ chalari va paxta sharchalari joylashgan shisha idish usti yopilgan holatda turadi.

Bemorlar qabulidan so'ng hamshira qolgan bog'lov ashyolarini yig'ib qaytadan sterilizatsiyalaydi va yangi bemor kelishidan avval kerakli miqdordagi steril ashyoni idishlarga joylaydi. Qaytadan flakonlarga perekis vodorod, spirt, efir quyib chiqadi. Har birining hajmi 20-25 mm bo'Jgan idishlarda shu idishning nomi yozilgan bo'lishi lozim. Ularni olish uchun pipetkalar solingan bo'lishi kerak. Oynaning ustki qismida suvli dentin va distillangan suv, dentin malhami, fosfat sement suyuqligi va poroshogini joylash-

tirish mumkin. Pastki oynada ko'p miqdorda foydalaniladigan plomba ashyolari, plombaga pardoz berishda qo'llaniladigan asboblar joylashtiriladi. Alohida stolchada hamshira buyraksimon toschalarda steril asboblami joylashtiradi, tish toshlarini olish uchun mo'ljallangan asboblar alohida toschalarga joylashtiriladi. Steril stolchadan asboblar koritsanga yoki katta pinsetlar yordamida olinadi. Steril stol steril choyshab bilan yopilgan holatda bo'lib, choyshabning ikki chetiga, ko'tarish uchun ikki koritsangalar joylashtiriladi. Ish kuni tugagach, choyshab qaytadan sterili­ zatsiyalanadi va yangi ish kunida solinadi.

Terapevtik stomatologik klinika va poliklinikalarda fiziote­ rapevtik xonalar ham mavjud bo'lib, ular o'ziga xos jihozlar bilan jihozlanadi.

2. 
   ORTOPEDIK STOMATOLOGIYA BO'LIMINING TUZILISHI
   

Ortopedik stomatologi.k yordam ko'rsatishni tashkillashtirish, rejalashtirish va sifatini nazorat qilish uchun malakali ortoped­ stomatologlar malakali safidan bo'lim boshlig'i va shifokor tayin­ lanadi. Ortopediya klinikasida katta tibbiy xodim deb shifokor­ ortopedlar hisoblanadi. Ularga yordamchi etib o'rta tibbiy xodimlar: tish texnigi va stomatolog assistentlari yoki tibbiy xodimlar tayinlangan.

Tish texniklari ortopedik apparatlar texnologiy sini amalga oshiradi. Tish texniklari shtati bir shifokorga ikkita tish texnigi to'g'ri kelishini hisobga olgan holda tashkil etiladi.

Stomatolog assistentlarining soni shifokor soniga to'gri kelishi lozim. Ular shifokor manipulatsiyasi bilan kechadigan ikkinchi darajali va yordamchi muolajalarni amalga oshiradilar. Bunga chang yutgich, so'lak yutgich, havo-suv purkovchi pistolet, kofferdam, paxta roliklari bilan ishlash, fiksatsiyalovchi qolip ashyolarini aralashtirish, qoliplarni dezinfeksiya qilish va bosh­ qalar kiradi. Uchta shifokorga bir stavka tibbiy hamshira to'g'ri keladi. U asboblarni sterilizatsiya qiladi, sterilizatsiyadan avval tayyorgarlik va dezinfeksiyani kuzatadi, stomatolog assistenti shtati bo'Ima­ ganda esa, imkoniyat darajasida ularning o'mini bosadi.

Klinikaning kichik tibbiy xodirniga tibbiy ro'yxatga oluvchilar, sanitarlar, farroshlar kiradi.

Ortopedik klinika tarkibiga quyidagilar kiradi:

• 
  davolovchi xonalar;
  
• 
  tish texnigi laborato riyasi;
  
• 
  ordinator xonasi (shifokorlar uchun);
  
• 
  yordamchi xonalar (masalan, asbobga mexanik ishlov berish va sterillizatsiya qilish, dushxona va hokazo).