Klinik laboraтoriya тekshirish usullari

Balg‘amni tekshirish usullari. PNYI xususida balg‘amni tekshirib
ko‘rish uchun quyidagi usullardan foydalaniladi: balg‘amni
makroskopik va mikroskopik tekshirish.
Bu o‘rinda makroskopik va mikroskopik tekshirish usullaridan
Gram usulida bo‘yash tavsiya etiladi. O‘tkir respirator infeksiya
bilan og‘rigan bemorning balg‘amidan yoki yiringli balg‘amidan
olib Gram usulida bo‘yab tekshiriladi. Balg‘am namunalarini xavfsiz
yo‘l bilan yig‘ish va ular bilan ishlash uchun xodim tajribali bo‘lishi
kerak. Chunki har qanday balg‘am infeksiyalangan va sil
tayoqchalarini tutadigan bo‘lishi mumkin. Xodim bemorga balg‘am
namunalarini olish xususidagi yo‘l-yo‘riqlarni aniq-ravshan qilib
tushuntirib berishi lozim. Тo‘g‘ri tekshirish uchun uni to‘g‘ri yig‘ib

---

122
olish kerak. Balg‘amni yig‘ish uchun och tusli tiniq materialdan
ishlangan, dezinfektantlarning yuqlarini qoldirmasdan, yaxshilab
yog‘sizlantirilgan steril idishdan foydalanish kerak. Balg‘am to‘kilib
ketmasligi uchun idishning yaxshi berkiladigan qopqog‘i bo‘lishi
lozim. Bankaning og‘zi katta va sig‘imi 50 ml yoki undan kattaroq
bo‘lishi kerak. Har bir laboratoriya ichki sifat nazoratini o‘tkazishi
mumkin. Lekin buning uchun unda musbat balg‘amdan olingan va
bo‘yalmagan, shuningdek, yangi bo‘yoq partiyasi yoki boshqa
reaktivni nazorat qilish uchun ishlatiladigan hamda tekshiriladigan
har bir balg‘am namunasi bilan birga, bo‘yalishi mumkin bo‘lgan
surtmalar to‘plami bo‘lishi kerak. Balg‘am bilan ishlashda klinika
xodimlari himoyalovchi ust-boshlar kiyishlari kerak. Chunki har
qanday balg‘am xavfli bo‘lib hisoblanadi va unda mikrobakteriyalar
bo‘lishi mumkin. Laboratoriya xodimlari balg‘amni yig‘ish, yetkazib
berish va u bilan ishlash yo‘llarini yaxshi bilib olgan bo‘lishi kerak.
Balg‘amni olish ishi, ayniqsa birinchi safar buning yo‘lini yaxshi
biladigan tibbiy xodim kuzatuvi ostida bajarilishi kerak. Chunki
tahlilning muvaffaqiyatli chiqishi uchun namuna yaxshi bo‘lishi
zarur.