Klinik laboraтoriya тekshirish usullari

Shakliy elementlarni sanash ushun qondan yupqa
surtma tayyorlash
A. Zaruriy reaktiv va jihozlar: steril lanset yoki igna; paxta;
70 % li etil spirti; plastik noksimon piрetka; tirnalmagan toza buyum
oynalari; chetlari silliq yoygich oyna; mumqalam.
B. Т a y y o r l a s h t e x n i k a s i :
1. Buyum oynalariga tartib raqamlari qo‘yib chiqiladi va oynaning
tartib raqami bemorning kartochkasidagi raqamga to‘g‘ri kelishiga
ishonch hosil qilinadi.
2. Buyum oynasini andazaga qo‘yiladi.
3. Barmoqni spirtga ho‘llangan paxta bilan tozalab artiladi va
quriguncha kutib turiladi.
4. Steril lanset ishlatib, shu lansetni qo‘lning uchinchi yoki
to‘rtinchi barmog‘i yumshoq joyining yon tomoniga sanchiladi.
5. Birinchi qon tomchisini artib olinadi.
6. Barmoqni imkoni boricha bo‘shroq siqib, plastik noksimon
piрetka yordamida keyingi qon tomchisini yig‘ib olinadi.
7. Shablondagi kichkina doira to‘lib turadigan qilib piрetkadan
qon tushiriladi. Surtma yaxshi chiqishi uchun qon oz miqdorda
bo‘lishi zarur.
8. Yupqa surtma darhol tayyorlanadi. Chetlari silliq yoygich
oyna tomchining shundoqqina oldiga qo‘yiladi.
9. Qon tomchisini yoygich oyna cheti bo‘ylab yoyilguncha bu
oynani orqaga qarab suriladi.
10. Yoygich oynani bir tekis harakat bilan buyum oynasi chetiga
qadar yurgiziladi. Qonning hammasi oyna bo‘ylab, uning chetlariga
yetmasdan surilib qoladi.
11. Surtmani tekshirish uchun yaroqliligi tekshiriladi:
— qalin bo‘lmasligi;
— chetlarida uzuq-yuluq joylari;
— uzunasiga yoki ko‘ndalangiga ketgan chiziqlari;
— bo‘sh qolgan (oyna obdan yog‘sizlantirilmagani uchun)
joylari yo‘q bo‘lishi kerak.
12. Surtmani batamom qurib olgungacha ochiq havoda qoldiriladi.
Surtma spirt bilan qotirilmasdan oldin unga infeksiya tushib
qolmasligi uchun xavfsiz joyda turishi kerak.

---

113