Klassik universitet darsligi o'zbekiston Milliy universitetining 100 yilligiga bag’ishlanadi

V  Bosqich.  Natijalarni  baholash  va  aks  ettirish. 
Natijalarni 
baholash  jarayonida  olingan  natijalarni  izohlash  amalga  oshiriladi, 
Shuningdek  olingan  ma’lumotlarning  ob’ektivlik  darajasi  va  ishonchlilik 
darajasi  aniqlanadi.  Agar,  talab  qilinsa,  u  holda  tahlil  qilish  jarayonini 
boshqa ko‘rsatkichlar bo‘yicha takrorlash haqida qaror qabul qilinadi yoki 
amalga  oshirilgan  tahlillarga  aniqlik  kiritish,  boshqa  tahlil  uslublaridan 
foydalanish  masalasi  qarab  chiqiladi.  GAT  nisbatan  oson  va  tezkorlikda 
yangi  natijalarni olish va o‘zgartirishni amalga oshirish imkonini beradi. 
Shuningdek,  turli  xil  tahlillarda  olingan  natijalarni  tezkorlikda  o‘zaro 
solishtirish  va  qaysi  bir  yondoshuv  nisbatan  yaxshiroq  ekanligi  haqida 
xulosalar chiqarilishi mumkin. Amalga oshirilgan tahlil natijalari xaritalar, 
diagrammalar,  jadval  shaklidagi  qiymatlar  ko‘rinishida  ifodalanishi 
mumkin va bu ma’lumotlar mutlaqo yangi ma’lumotlardan tashkil topadi. 
Bunda  qaysi  axborotlarni  xarita  tarkibiga  kiritish,  bu  ma’lumotlarni 
nisbatan  yaxshiroq  aks  ettirish  uchun,  qiymatlarni  qanday  qilib 
guruhlashtirish  masalasini  hal  qilish  talab  qilinadi.  Bu  uslubiyat  haqiqiy 
mavjud  Er  makonining  vektor  modellarida  va  shuningdek,    rastr 
modellarida ham foydalaniladi.