Kiyimlarni tozalash va saqlash qoidalari

Амалий маслаҳатлар

Доғларни йўқотишга киришишдан олдин, уларнинг келиб чиқишини ва таркибини аниқлаш керак. Баъзан эскирган доғларга фақат мураккаб кимёвий бирикмалар таъсир қилиши мумкин. Бундай ҳолларда олдин бу бирикма кийимнинг рангига ва тузилишига қандай таъсир қилишини билиш муҳим, бунинг учун кийимнинг кўринмайдиган жойига озроқ суриб кўриш зарур.

Ёғли доғлар

Ёғ доғларини кетказиш учун сув қўшилган нашатир спирти ва ювиш воситасидан фойдаланиш мумкин, ундан сўнг кийимни тоза оқ газлама устидан дазмоллаш керак.

Кийимдаги ёғ доғларини йўқотиш учун дарҳол тиш порошоги сепиш ва унинг устига оқ қоғозни оғирроқ нарса билан бир неча соат давомида босиб туриш керак.

Ичимликлар доғи

Чой доғи устига шакар сепиб, бир соатдан кейин одатдагидек ювиш тавсия қилинади.

Шароб, қаҳва, какао ва шоколад доғларини бир ош қошиқ нашатир спиртининг бир литр қайноқ сувдаги эритмаси ёрдамида тозалаш мумкин.

Пиво доғи совунли сув ёрдамида осон кетади.

Мева доғлари

Узум ва гилос доғлари устидан қайноқ сув қуйилса осон йўқолади. Мева доғларини тозалаш учун унинг устига туз сепиб, иссиқ сувда бир неча дақиқа ушлаб турилади ва ювиш воситаси ёрдамида ювилади.

Шунга ўхшаш доғларни кетказишда уни иссиқ сут ичида бироз ушлаб турилади ва сувда ювиб ташланади. Эскирган доғларни лимон кислотаси ёрдамида тозалашга уриниб кўринг.
Кийимда антиперспирантдан кейин қоладиган оқ доғни қандай кетказиш мумкин?
Light 23:17 / 29.05.2019 6808
Терлашнинг икки салбий жиҳати бор: ундан кейин оқ кийимларда сариқ доғ, рангли кийимларда эса оқ рангдаги доғлар қолади. Бироқ антиперспирант туфайли пайдо бўладиган оқ доғларни қандай кетказиш мумкин? Fabiosa.ru айнан шу мавзуга бағишланган маълумотлар билан ўртоқлашган.
Фото: Adme
Терлашга қарши ҳимоя воситасини танлаганда кўпинча рекламага амал қилиб, кийимда доғ қолдирмайдиганини танлашга ҳаракат қиламиз. Бироқ нима учундир кўпинча у ёки бу восита ҳам ўзидан кейин доғ қолдиради.
Дезодорант, антиперспирант ва дазодорантли стик (таёқча) лар терлашга қарши воситалар ҳисобланади. Улар таркиби ва қўлланишига кўра бир-биридан фарқ қилади.
Антиперспирант ва стиклар. Уларнинг таркиби алюмин тузлар ҳамда суртилган жойда ҳимоя тўсиғини ҳосил қилиб, терлашга йўл қўймайдиган бирикмалардан иборат. Одатда, айнан антиперспирантлар кийимда ювганда кетмайдиган катта оқ доғларни қолдиради. Оқ доғлар ҳосил бўлишининг олдини олиш мақсадида антиперспирант формуласига сольвентлар қўшилади, улар эса антиперспирант самарасини бироз камайтиради.
Дезодорантлар. Қўлтиқ остидаги тукларда ёқимсиз ҳид уйғотадиган кўплаб бактериялар бўлади. Дезодорант эса уларнинг ҳаракатини блоклайди, бироқ у ҳам ўзидан кейин оқ доғлар қолдиради.
Кийим ювилганидан кейин ҳар доим ҳам доғ ва ҳид бутунлай кетмайди. Бундан ташқари, тез-тез машинада кир ювиш кийимлар охорини кетказади. Ана ундан кейин улар рангсиз кўринишга келиб қолади.