Kitob uchta qismdan iborat. "Strukturali dasturlash", "Obyektli-yo’nalishli dasturlash", "Standart kutubxonalar"

Struktura va birlashmalarning sinflardan farqlari

Struktura (struct) va birlashmalar (union) sinflarning xususiy hollari hisoblanadi.

Struktura sinflardan elementlari hamda bazaviy sinfga kirish, vorislikda jimlik bo’yicha public hisoblanadi. Strukturalarni barcha elementlariga kirish mumkin bo’lgan sinflar uchun foydalanish qulay.
Birlashmalarning sinflardan farqlari quyida sanab o’tilgan:

• 
  birlashmalarga kirish jimlik bo’yicha public, bundan tashqari ularda oshkora ravishda kirish spitsifikatorlaridan foydalanish umuman mumkin emas;
  
• 
  birlashma sinflar shajarasida qatnashish mumkin emas;
  
• 
  konstruktorlar va destruktorlarni o’z ichiga oluvchi obyektlar birlashma elementlari bo’la olmaydi;
  
• 
  birlashma faqat statik bo’lmagan konstruktor va boshqa usullarga ega bo’lishi mumkin;
  
• 
  Anonim g’oyibona birlashmada usullarni tavsiflash mumkin emas.
  

6-BOB
Sinflar qoliplari

Kitobning birinchi qismida algoritmni ular bilan ishlaydigan ma’lumotlar konkret tiplaridan tipni parameter sifatida uzatish orqali ajratuvchi funksiyalar qoliplari qalalgan edi. Sinflar qoliplari parametrlashgan sinflarni yaratishga imkon berib shunga o’xshash imkoniyatni yaratadi.

Parametrlashgan sinf parameter sifatida uzatiladigan ixtiyoriy ma’lumotlar tipi uchun qo’llash mumkin bo’lgan qarindosh (turdosh) sinflar oilasini yaratadi. Qoliplar eng ko’p konteyner sinflarni yaratishda qo’llaniladi. Konteyner sinf deb qandaydir tarzda tashkil etilgan ma’lumotlarni saqlash va ular bilan ishlash uchun mo’ljallangan sinfga aytiladi. C++ standart kutubxonasi turli ko’rinishdagi ma’lumotlar strukturalarini tashkil etish uchun konteyner sinflar to’plamini o’z ichiga oladi.
Qoliplardan foydalanish afzalligi shundaki, ma’lumotlar bilan ishlash algoritm aniqlangan va sozlangan bo’lganda u kodni qayta yozmasdan ma’lumotlar har qanday tipiga qo’llanilishi mumkin.