Kitob uchta qismdan iborat. "Strukturali dasturlash", "Obyektli-yo’nalishli dasturlash", "Standart kutubxonalar"

Oqimga kiritish/chiqarish

Oqimga kiritish/chiqarishni turli usullar bilan amalga oshirish mumkin: baytlar ketma – ketligi ko'rinishida, simvollar va satrlar ko'rinishida yoki format almashtirishlardan foydalanish yordamida. Amallarning har bir turi uchun o'zining funksiyalar jamlanmasi aniqlangan.

Kiritish/chiqarish amali oqim ko'rsatgichi holati bilan aniqlanuvchi oqimning joriy o'rnidan boshlab bajariladi. Ochishda ko'rsatgich faylning boshiga yoki oxiriga qo'yiladi (ochish rejimiga mos ravishda) va kiritish/chiqarishning har bir amalidan so'ng avtomatik ravishda o'zgaradi. Ko'rsatgichning joriy holatini ftell va fgetpos funksiyalar yordamida oshkora berish mumkin. Bu funksiyalarni standart oqimlar uchun ishlatish mumkin emas. Quyida oqimni kiritish/chiqarishning asosiy funksiyalari sanab o'tilgan.

• 
  baytlar oqimini o'qish va yozishni fread va fwrite funksiyalari bajaradi.
  
• 
  gets, fgets - oqimdan simvollarni o'qiydi; getchar – stdin standart oqimdagi simvollarni o'qiydi.
  
• 
  putc, fputc – oqimga simvolni yozish; putchar – standart stdout oqimga yozish.
  
• 
  fgets – oqimdan satrni o'qish; gets – stdin standart oqimdan o'qish.
  
• 
  fputs – oqimga satrni yozish; puts – stdout standart oqimga yozish.
  
• 
  fscanf – oqimdan formatlangan kiritish; scanf – standart oqimdan, sscanf – satrdan.
  
• 
  fprintf - oqimdan formatlangan chiqarish; printf – stdout standart oqimga, sprintf – satrga.
  

Oqimni yopish

Oqim yo dastur tugaganda yoki oshkora ravishda fclose funksiya yordamida yopiladi:

int fclose(FILE*);

Oqimni yopish oldidan u bilan bog'liq buferlardagi axborot diskka yuklanadi. Hammavaqt ma'lumotlarni yo'qotmaslik uchun yozish uchun ochiq oqimlarni oshkora ravishda yopish tavsiya etiladi.

Xatolarni qayta ishlash

Oqim bilan ishlash funksiyalari dasturda tahlil qilish va masalan, oqimdagi mavjud fayllarni ochish yoki o'qishda paydo bo'ladigan xato vaziyatlarni qayta ishlash tavsiya etiladigan qiymatlarni qaytaradi. Fayllar bilan ishlashda ko'pincha feof va ferror funksiyalari ishlatiladi:

int feof(FILE*) agar fayl oxiriga erishilsa, nolga teng bo'lmagan qiymatni qaytaradi, aks holda 0 qiymatni qaytaradi;

int ferror(FILE*) agar kiritish/chiqarish xatosi aniqlangan bo'lsa, nolga teng bo'lmagan qiymatni qaytaradi, aks holda 0 qiymatni qaytaradi.