Kirisiw. Tiykarǵi bólim. T. Qayıpbergenovtıń shıǵarmalarında janapaylar

Bolsa janapayı ózi qatnaslı sózdiń keynine dizbeklesip kelip, onı basqa sózlerden ayırıp, bóleklep kórsetedi: Olar bolsa orıs patshasına arız etip, bir ullı perzenti arqalı xat jollaǵan, sol boyınsha shappat urısqan. («Baxıtsızlar»).

Gilkiy, gileń, ılgıy kómekshi sózleri janapaylıq xızmette qolanǵanda ózleri baylanıslı sózlerden burın kelip, sol sózlerge birgelkili ajıratıwshılıq máni beredi: Gileń balalar jıyılısıp alıp, azannan qara keshke kósheni shańǵıtıp top oynaymız, yamasa orpań topıraqta otırıp asıq oynaymız. («Muǵallimge raxmet»). El basshısı gileń nanı qalıń, malı kópler ǵana. («Maman biy ápsanası»)