Kirish. Yuqori molekulali birikmlar ishlab chiqarish

KIRISH.Yuqori molekulali birikmlar ishlab chiqarish.
(YuMB) o`z xossalari jihatidan quyi molekulali birikmalardan tubdan farq qiladi. Bu hol yuqori molekulali birikmalar molekulalarining juda uzunligi va molekula massasining kattaligi bilan tushuntiriladi. Odatda molekula massasi (MM) 5000 dan bir necha milliongacha bo`lgan birikmalar YuMB lar hisoblanadi. MM 500 dan 5000 gacha bo`lgan, xossalari quyi molekulali birikmalarga ham, yuqori moleulali birikmalarga ham o`xshaydigan birikmalar oligomerlar deb ataladi. YuMB ning molekulalari bir necha yuz, xatto minglab atomlardan tuzilganligi sababli - makromolekulalar deb ataladi. Yuqori molekulali birikmalar sintetik va tabiiy polimerlarga bo`linadi. YuMB tirik tabiatning asosini tashkil etadi.
O`simliklar organizmlarining asosiy tarkibiy qismlari - sellyuloza, kraxmal, lignin, pektin va hayvon organizmidagi oqsil, garmon, ferment kabilar YuMB lardir. Muskul, teri, soch, shox, tirnoq va shu kabilar aminokislotalardan sintez qilingan oqsillar polimerlardir. SHunday qilib o`simlik va hayvon organizmlarining hayoti YuMB lar-ning hosil bo`lishi, ularning turdan-turga o`tishi va parchalanishi jarayonlari bilan bog‘liq ekan. Texnikada ko`plab ishlatiladigan tabiiy polimerlardan yana biri tabiiy kauchukdir. Xozirgi zamon texnika taraqqiyotida kauchuk va undan olinadigan rezinasiz hech bir sohani rivojlantirib bo`lmaydi. Faqat so`ngi 60-70 yil ichida o`z xossalari jiqatidan tabiiy kauchukdan qolishmaydigan sintetik kauchuklar ishlab chiqarila boshlandi.
.