Kirish yupqa qatlam xromatografiyasi va unga qo`yiladigan talablar. Yurak glikozidlari haqida umumiy tushuncha asosiy qism

REJA:

1. 
   KIRISH
   
   1. 
      Yupqa qatlam xromatografiyasi va unga qo`yiladigan talablar.
      
   2. 
      Yurak glikozidlari haqida umumiy tushuncha
      
2. 
   ASOSIY qism
   
   1. 
      Yupqa qatlam xromatografiyasini olib borish bosqichlari
      
   2. 
      Yurak glikozidlarining xromatografik tahlil usuli
      
   3. 
      Yupqa qatlamli xromatografiya natijalarini qayd qilish va xromatogrammalarni saqlash.
      
3. 
   TAJRIBA qism
   
   1. 
      YuQX uchun plastinka tanlash va tajriba uchun kerakli asbob-anjomlarni yig`ish
      
   2. 
      YuQX uchun etalon va tekshiriluvchi eritmani tayyorlash
      
4. 
   Xulosa
   

Yupqa qatlam xromatografiyasi va unga qo`yiladigan talablar <sup>[1]</sup>
Yupqa qatlamli xromatografiya uch yo`nalishda qo`llanadi:
1) moddalar va aralashmalarning sifat tahlili uchun,
2) moddalar aralashmasining miqdoriy tahlili uchun,
3) har bir komponentni preparativ ajratish uchun.
Yupqa qatlamli xromatografiyani o`tkazish bir necha bosqichda kechadi:
a) yupqa qatlamli plastinkani tayyorlash,
b) namuna eritmalarini tayyorlash,
b) namuna eritmasini yupqa qatlam plastinkasiga o`tkazish,
g) xromatografik ajratishni amalga oshirish,
d) xromatogrammadagi dog`larni aniqlash,
e) ajratish natijalarni izoxlash va xromatogrammalarni (ishchi daftarga) qayd etish.
Bu bosqichlarni amalga oshirish uchun laboratoriya stoli, kerakli o`lchamlarda oyna, plastinkalar va zarur sorbentlar (yoki tayyor firma plastinkalari), mikropipetkalar, xromatografik ajratishni plastinkada o`tkazish uchun kamera, modda yig`ilgan joyni ko`rsatuvchi reaktivni sepish uchun purkagich, havoni yangilash shkafi va plastinkalarni quritish uchun qurituvchi shkaf zarur.
Yupqa qatlamli xromatografiya qilishda asosan ikki xil yopishtirilgan va yopishtirilmagan qatlamli plastinkalar qo`llanadi.
Mustahkamlangan (yopishtirilgan) qatlamli plastinkalar, ularga maydalab elangan xromatografik materiallarni suvda yoki organik erituvchidagi suspenziyasini quyib tayyorlanadi. Suspenziyaga odatda yopishtirish uchun bog`lovchi moddalar qo`shiladi. Agar bog`lovchi sifatida olingan modda tahlil natijalariga ta‘sir qiladigan bo`lsa, unda bog`lovchi qo`shilmaydi.