Кириш “Шарқий Бердах” гкту ҳақида умумий малумот“

Atrof muhit muhofazasi va hayot faoliyati xavfsizligi

“Sharqiy Berdaq” gazni kompleks tayyorlash uchastkasida atrof- muhit muhofazasini ta’minlash, ya’ni tabiatga zarar yetkazmaslik maqsadida ko’plab ishlar amalga oshirilmoqda. Jumladan,GKTU da ishlatiluvchi har bir asbob-uskunaning ishlashga yaroqliligi nazorat qilinmoqda.Ishlatilayotgan quvur va qurilmalarning germetikligi har kuni tekshirilmoqda. Bundan tashqari, uchastka hududida ko’kalamzorlashtirish ishlari jadal sur’atlarda amalga oshirilmoqda.Chunki tozalanayotgan xomashyo tarkibidaisgazi (CO₂) mavjud va bu gaz inson hayoti uchun xavfli hisoblanadi, daraxtlar shu is gazini yutib o’rniga inson hayot kechirishi uchun zarur bo’lgan kislorodni chiqaradi. GKTU hududida maxsus hovuz tashkil etilgan bo’lib, bu yerda gazkondensat tarkibidan ajratib olingan qatlam suvlari yig’iladi va bug’latish yo’li bilan yo’q qilinadi. Sababi, agar qatlam suvini ochiq maydonga oqizib yuborilsa, u tuproq unumdorligiga salbiyt a’sir ko’rsatgan bo’lar edi.

Fan va texnikaning zamonaviy holati, ishlab chiqarishda texnologik jarayonlar keltirib chiqaradigan zararli omillarning barchasini oldindan ko‘zda tutish va kerakli texnik vositalar bilan ularni tugatish yoki minimum darajaga keltirish imkonini beradi. Biroq bir qancha holatlarda buni bajarishning iloji bo‘lmaydi. Unda, ishlab chiqarish jarohati, zaharlanish, kasallanishning ishonchli profilaktikasi bo‘lib xizmat qiladigan, individual himoya vositalaridan foydalaniladi. Barcha individual himoya vositalari, ular qaysi organlarni ehtiyot saqlashiga qarab, bo‘linadi: tanani, nafas olish organlarini, eshitish organlari va teri yuzasini himoya qilish uchun.
Inson tanasini himoya qilish, maxsus kiyim, maxsus poyabzal, qo‘lqoplar, kaskalar, izolyasiyali tagliklar, rezinali gilamchalar, dielektrik qo‘lqoplar, kalishlar, ehtiyot saqlovchi belbog‘lar va h.k. lar bilan amalga oshiriladi.
Nafas olish organlarini himoya qilish, turli-xildagi protivogazlar va respiratorlarni qo‘llash bilan amalga oshiriladi. Respiratorlar, nafas olish organlarini havodagi changlar ta’siridan, protivogazlar - gazlardan va zararli bug‘lardan himoya qilish uchun xizmat qiladi.
Havodagi zararli moddalar va kislorod miqdoriga qarab, har-xil turdagi protivogazlar qo‘llaniladi:
- filtrlovchi – havoda 16 % dan ko‘p miqdorda kislorod va kamida 2 % miqdorda zararli moddalar bo‘lganda;
- shlangli – havoda 16 % dan kam miqdorda kislorod va 2 % dan ko‘p miqdorda zararli moddalar bo‘lganda;
- kislorodli – avariyali va qutqaruv ishlarida.
Filtrlovchi protivogaz, havoda mavjud bo‘lgan gazlar, zararli bug‘lar ta’siridan nafas olish organlarini individual himoya qilish vositasi bo‘lib, hisoblanadi. Havoda ishtirok etishi mumkin bo‘lgan zararli moddalarga qarab, har xil markadagi protivogazlar qo‘llaniladi.