Kirish: Musiqa madaniyatining o`tmishdagi va bugungi kundagi ahamiyati Reja

Bunyodkorlik: Temuriyzodalardan biri bo’lmish Muhammad Taragay Ulug’bekning tarixdagi alohida muhim o’rni uning davlat xukmdori sifatidagi ko’p yillik faoliyatidan ko’ra ham ko’proq buyukolimlik, ilmu urfon xomiysi . Chunki u o’zining aql-zakovati, jo’shqin hayotining asosiy qismini ilmu fan ravnaqiga bag’ishladi, shu soxada katta kashfiyotlarga bosh bo’ldi.
Ulug’bek zamonida bunyod etilgan Samarqand, Buxoro, G’ijduvon, Shosh va boshqa shaharlardagi masjidu madrasalar, ilm maskanlari, jumladan, Samarqand yaqinida barpo etilgan tenggi yo’q ilm koshonasi — Rasadxona — bular uning yuksak darajada ma`rifatparvar donishmand xukmdor bo’lganligidan dalolat beradi. Ulug’bek ayniqsa fanning astronomiya, matemati­ka, geometriya singari muhim sohalarida katta ijod qildi va o’zidan bebaho ilmiy meros qoldirdi.
Ilm-fan: Mirzo Ulug’bek ilm-fan va madaniyat raxnamosi sifatida iste`dod soxiblariga moddiy va ma`naviy jixatlardan g’amxurlik ko’rsatdi, ustozlik qilib ularni voyaga yetkazdi.
Ulug’bek akademiyasi. Ulug’bek nomini shonu shuhratga burkagan, ilmiy tafakkuri va salohiyatini yuksak darajaga ko’targan asosiy narsa, bu alloma dahosining yorkin kuzgusi bo’lgan ilmiy akademiyaning yaratilib, samarali faoliyat ko’rsatganligidir. Ulug’bek akademiyasida dunyoning turli mamlakatlaridan kelgan 100 dan ortiq olim faoliyat ko’rsatdi.
Ulug’bek atrofiga uyushgan ko’plab buyuk qomusiy olim sohiblari—Qozizoda Rumiy, G’iyosiddin Jamshid Koshiy, Muhammad Ali Qushchi, Muhammad Xavofiylar ilm-fanning turli sohalarida, ayniqsa ast­ronomiya, matematika singari aniq fanlar bo’yicha barakali ijod qildilar hamda o’zlaridan ulkan ilmiy meros qoldirib ketdilar. Muarrix Davlatshoh Samarqandiy yozganidek «Olim, odil, g’olib va ximmatli podshoh Ulug’bek ko’ragon... yulduzlar ilmida olis qadar yuksala bordi, masniy ilmida qilni kirq yordi. Uning davrida olimu fozillar martabasi nixoyat cho’qqisiga ko’tarildi». Ulug’bek ilmiy maktabining eng katta yutug’i, avvalo, astronomiya, matematika, geometriya, trigonomet­riya fanlari soxasida yaratilgan muxim kashfiyotlardir. Ulug’bek rasadxonasida 1018 ta yulduzlar harakati o’rganilib jadval tuzildi. Uning qalamiga mansub «Ziji Ko’ragoniy» asari o’zining beqiyos to’g’ri ilmiy yechimlari, xulosalari bilan xozirga qadar ham jahon olimlari e`tiborini qozonib kelmoqda.