Кириш мавзунинг долзарблиги

Диссертация ишининг мақсади: Булутли инфраструктурада тармоқ ресурсларини самарали ташкил этиш усулларини тадқиқ этиш, ва симуляциялаш муҳити ёрдамида булутли инфраструктура ресурсларидан самарали фойдаланиш моделини яратиш.
Диссертация ишининг объекти: турли ресурслардан ташкил топган (физик, виртуал машиналар) булутли инфраструктура.
Диссертация ишининг предмети: булутли инфраструктурада ҳисоблаш ресурларини ташкиллаштириш усуллари ва моделлари этиб белгланди.
Диссертация ишининг вазифалари:
- булутли инфраструктуранинг ташкилий ва функционал амалга ошириш xусусиятларини ўрганиш;
- булутли инфраструктурада ҳисоблаш ресурсларига келиб тушувчи юкламани тадқиқ этиш;
- булутли инфраструктурада ресурсларни конфигурация (xизмат кўрсатиш сифати QoS га оид) усуллари ва ёндашувларини таҳлил этиш;
- булутли инфраструктурада тармоқ ресурсларини самарали ташкиллаштириш усулини ишлаб чиқиш.
Диссертация ишининг янгилиги:
- булутли инфраструктурада мулти-агент тизимлар ёрдамида янги модел яратилиши;
- яратилган модел ёрдамида тармоқ самарадорлигини мавжуд усулдагига нисбатан ошириш имконийлиги кўриб чиқилиши;
- модел ёрдамида пакетларнинг тизимда бўлиш вақтини қисқартирилиши орқали хизмат кўрсатиш сифати яхшиланиши эришиш кўриб чиқилади.
Тадқиқот услублари: оммавий хизмат кўрсатиш назарияси, тизимли таҳлил услублари, имитацион моделлаштириш услублари қўлланилган.
Амалий аҳамияти: имитация натижалари асосида булутли инфраструктурада тармоқ ресурсларини самарали ташкиллаштириш имконийлиги кўрсатиб берилади. Олинган натижалардан келиб чиқиб аниқ (реал) тармоқ инфраструктуралар учун булутли оператор ва провайдерларга амалий таклиф ва тавсиялар ишлаб чиқилиши мумкин.
Ишнинг эълон қилинганлиги: Диссертация иши бўйича 2 та тезис эълон қилинган ва чоп этилган.
1. “Cloud computing, consepts and milestones”. Профессор-ўқитувчи ва илмий тадқиқотчиларнинг даврий мақолалар тўплами. Тошкент. 2017.
2. “Cloud service models, cloud adoption barreriers and control challenges”. Муҳаммад ал-Xоразмийнинг 1235 йиллигига бағишланган “International conference on importance of information communication technologies in innovative development of real sectors of economy” халқаро конференция. Тошкент-2018. 5-6 апрел.