Kirish mavzuning dolzarbligi

REJA:

1. Furqatning adabiy merosi.

2. Furqat asarlarining o’ziga xos belgilari.

3. Furqatshunoslikda shoir lirikasining tahlili.

4. Furqatning badiiy tasvirdagi mahorati.

KIRISH

Mavzuning dolzarbligi. O’zbekiston davlatining mustaqillik davridagi taraqqiyoti ijtimoiy-siyosiy hayotimizning barcha qirralarida bo’lgani singari madaniy-ma‘rifiy sohalarda ham tarixiy o’zarishlarni yuzaga keltirmoqda. Istiqlol mafkurasi tufayli - Tilimizni, dinimizni, urf-odatimizni, ma‘naviy qadriyatlarimizni butkul yuqotib qo’yish xavfidan saqlab, asrab-avaylab, ularning azaliy mazmuni va qudratini tiklash…‖¹ darajasiga erishdik. Qadimiy merosimiz ildizlarini ko’rsatish, o’tmishdagi boy an‘analarni, milliy qadriyat va ma‘naviy boyliklarimizni yangi jamiyat qurilishiga tadbiq etish bugungi hayotimizning bosh vazifalaridan biriga aylandi.

Vatanimiz mustaqilligi yillarida maktab hayotida tub o’zgarishlar yuz berdi: maktab kommunistik tashviqot va targ’ibot iskanjasidan qutulib, ijodiy fikrlovchi, muttasil rivojlanadigan mustaqil jamoa maqomini oldi; yoshlar ta‘limi va tarbiyasi bilan mashg’ul ijtimoiy institutlar son va sifat jihatdan o’sdi, litsey, kollej, magistraturalar ko’paydi; yangi ta‘limning yangi konsepsiyalari yaratilib, dastur, darslik, o’quv qo’llanmalari ishlab chiqildi; davlat ta‘lim standartlari qabul qilindi.

Ta‘lim jarayoniga, uni tashkil etish, boshqarish, nazorat qilish amaliyotiga yangi g’oyalar kirib keldi. Ana shunday ilg’or qarashlardan biri adabiyot o’qitish metodikasi muammolaridir. Barchamizga ma‘lumki, adabiyot boshqa fanlarga nisbatan ikkita vazifani bajaradi: ta‘limiy va didaktik vazifa. Bu vazifalarga erishish uchun turli metod va usullardan foydalanish mumkin. Chunki, o’qituvchiga dars davomida adabiyot tariximizdagi yozuvchi va shoirlarning asarlarini o’qitish muammo tug’diradi. Shu sababli, mazkur bitiruv malakaviy ishimizda shoir va adib, adabiyotshunos va muarrix, elshunos va mutarjim Zokirjon Xolmuhammad o’g’li Furqat hayoti va ijodining maktab va akademik litseylarda o’rganish usullari haqida fikr yuritmoqchimiz.