Кириш магистрлик диссертацияси мавзусининг асосланиши ва унинг

Муаммонинг ўрганилганлик даражаси. 
Олий таълим муассасаларида 
математика ўқув фанларини ўқитиш ва ўқув машғулотлари лойиҳаларини 
тузишга йўналтирилган муаммоларни ўрганиш юзасидан республикамизда 
Т.Тўлаганов, М.Тожиев, С.Алихонов, М.Раемов, Д.Юнусов, М.Баракаев, 
И.Рахмонов, Г Ғойибназарова ва бошқалар томонидан илмий изланишлар 
амалга оширилган бўлса, МДҲ олимларидан Ю.И.Калягин, В.И.Мишин, 
А.Г.Мордкович, Г.И.Саранцевларнинг тадқиқотларини кўрсатиш мумкин. 
Ўқув машғулотларини педагогик технологиялар, интерфаол методлар 
асосида лойиҳалаб ўқитиш муаммолари А.А.Абдуқодиров, Н.Н.Азизхўжаева, 
Ж.Ғ.Йўлдошев, Ў.Қ.Толипов, М.О.Очилов, Н.С.Сайдаҳмедов, Ж.Толипова, 
Д.Юнусова ва бошқалар, МДҲда Б.П.Беспалько, В.М.Монахов, М.В.Кларин, 

---

В.А.Сластенин каби педагоглар томонидан тадқиқ этилган. Шунингдек, 
педагогик технологияларни татбиқ этишни такомиллаштириш борасидаги 
муаммоларни ҳал этиш масаласи хорижлик Т.Сакомото, B.S.Bloom, P.H.Douglas 
ва бошқа олимларнинг тадқиқотларида акс этган. 
Биз тадқиқот ишини шакллантиришда ушбу манбалардан методологик 
асос сифатида фойдаландик.
Тадқиқотнинг мақсади:
педагогика олий таълим муассасаларида 
ўқитиладиган “Алгебра ва сонлар назарияси” ўқув фанининг “Чизиқли 
алгебра элементлари” модулини ўқитишда талабаларнинг мустақил фаол 
ўқув фаолиятини самарали ва сифатли ташкил этишнинг интерфаол 
методларини аниқлаш, лойиҳалаштириш, жорий этиш орқали талабаларнинг 
мазкур фанни ўзлаштиришларида самарадорликнинг ошишига эришиш. 
Тадқиқотнинг мақсадидан келиб чиққан ҳолда қуйидаги 
вазифалар
белгиланди: 
1.
Педагогика, психология ва математика фанлари таълими назарияси 
ҳамда амалиётига оид илмий-методик адабиётларни, олий таълимда 
ўқитишни ташкил қилиш бўйича ишлаб чиқилган директив хужжатларни 
ўрганиш назарий таҳлил қилиш.
2.
“Алгебра ва сонлар назарияси” фанини ўқитилишининг, бу фан 
бўйича талабалар ўқув-билиш фаолиятининг ҳозирги ҳолатини кузатиш ва 
таҳлил қилиш. 
3.
“Чизиқли алгебра элементлари” бўлимини ўқитиш жараёнида 
талабаларнинг фаол ўқув-билиш фаолиятини ташкил этишнинг мазмуни, 
шакли, воситалари ва методларини ишлаб чиқиш. 
4.
“Чизиқли алгебра элементлари” бўлими бўйича интерфаол методларга 
асосланган маъруза, амалий машғулотлар лойиҳаларини ишлаб чиқиш. 
5.
Тадқиқот натижаларини педагогик тажрибаларда синовлардан 
ўтказиш орқали уларнинг самарадорлигини аниқлаш. 

---