Kirish kurs ishi mavzusining dolzarbligi va zarurati

KIRISH

Kurs ishi mavzusining dolzarbligi va zarurati. O’zbekiston Respublikasida ijtimoiy-iqtisodiy rivojlanishni jadal amalga oshirish maqsadida har yili davlat dasturi qabul qilinadi. Jumladan, iqtisodiyotda tarkibiy o'zgarishlarni yanada chuqurlashtirish, ustuvor tarmoqlarga investitsiyalar kiritish, korxonalarning investitsion faoliyatini jadallashtirish, modernizatsiya qilish va texnologik jihatdan qayta qurollantirish dasturlarini amalga oshirishga xorijiy investitsiyalarni, eng avvalo, to'g'ridan-to'g'ri investitsiyalarni keng jalb qilish, ulardan samarali foydalanish, yangi ish o'rinlari yaratish va shular asosida respublikamiz iqtisodiyotini barqaror va bir maromda rivojlantirishni ta’minlashga qaratilgan O'zbekiston Respublikasining 2017-2021 yilgi Rivojlanish davlat dasturi to'g'risidagi Prezident Qarori qabul qilindi.

Hozirgi vaqtda xorijiy investitsiya sohasida 8 ta qonun, 14 fa farmon va 100 dan ortiq qonun hujjatlari mavjud. Lekin mahalliy va chet el investorlariga bizda nechta farmon yoki qaror borligi emas, balki ularning samarali ishlashi uchun yahlit tizim mavjudligi muhim.¹

Mamlakatimizda investitsion siyosat islohotlarning dastlabki bosqichida iqtisodiyotda chuqur tarkibiy o'zgarishlarni amalga oshirishga yo'naltirilgan edi. Shu maqsadda har yili Rivojlanish davlat dasturlari ishlab chiqilib, ular amalga oshirilmoqda. Mazkur dasturlarga kiritilgan loyihalarning amalga oshirilishi natijasida mamlakat yalpi ichki mahsulotining o'sish sur’atlarini barqarorlashtirish imkonini berdi. 2008-yilda boshlanib, hozirgacha davom etayotgan jahon moliyaviy–iqtisodiy inqirozi sharoitida ham O'zbekistonda YaIMning o'sish sur’atlari yuqori darajada bo'ldi.