|
Asosiy qism: Ilmiy tadqiqot ishlari
«Ipoteka-bank» aksiyadorlik tijorat ipoteka banki O’zbekiston Respublikasi Prezidentining 2005 yil 16- fevraldagi «Uy-joy qurilishi va uy-joy bozorini yanada rivojlantirish chora-tadbirlari to‘g‘risida»gi PQ-10-sonli qaroriga asosan tashkil etilgan.
Ipoteka-bank — keng xizmat ko‘rsatish tarmog‘iga ega, turli xil bank xizmatlarini ko‘rsatuvchi yirik, universal moliyaviy muassasa.Bank «Moody’s Investors Service» hamda «Standard & Poor’s» xalqaro reyting agentliklarining «Barqaror» reytinglariga ega.
Hozirgi kunda bankning tarmoq tizimi respublikamizning deyarli barcha hududlarini qamrab olgan bo'lib, 38 ta filial, 159 ta mini-bank, 575 ta chakana bank xizmatlari ko'rsatuvchi shahobchalar orqali aholi va xo'jalik yurituvchi subyektlarga hisob-kitob va kassa xizmatlari, aholining bo‘sh pul mablag‘larini omonatlarga jalb etish, kommunal va boshqa to‘lovlarni qabul qilish, yuridik va jismoniy shaxslarga kredit berish kabi turdagi namunali bank xizmatlarini ko'rsatib kelmoqda.
Bankning asosiy vazifalari bo’lib quyidagilar hisoblanadi:
yakka tartibdagi uy-joy qurilishi uchun imtiyozli uzoq muddatli ipoteka krediti berish tizimini joriy etish;
yakka tartibda uy-joy quruvchilarga va aholi uchun turar joylar barpo etadigan xo’jalik yurituvchi sub’ektlarga kredit olishda ko’maklashish;
uy-joy qurilishi uchun ipoteka krediti berishni rivojlantirishga xorijiy investitsiyalar, jumladan kreditlarni, shuningdek xalqaro va mahalliy moliya institutlari investitsiya hamda grantlarini jalb etish;
respublika mintaqalarida bankning ixtisoslashtirilgan xizmatlaridan aholining keng foydalanishini ta’minlaydigan filiallar shoxobchasini rivojlantirish;
zamonaviy, tejamli, bozorda talab yuqori bo’lgan qurilish materiallari ishlab chiqaruvchi korxonalarni kredit bilan ta’minlash.
Ilmiy tadqiqot amaliyoti predmeti chakana bank xizmatlari, uning tavsiflovchi ko’rsatkichlari, tijorat banklarining mahsulotlari, xizmatlarini ishlab chiqish va ko’rsatish jarayonidagi iqtisodiy munosabatlardir.
Ilmiy tadqiqot ishim “Banklarning aholiga chakana bank xizmatlarini ko’rsatish amaliyotini takomillashtirish” mavzusida bo’lib, uning birinchi bobida iqtisodiyotni modernizatsiyalash sharoitida chakana bank xizmatlarining o’rni, tijorat banklari zamonaviy bank xizmatlarini joriy etishning nazariy, huquqiy asoslari va yangi bank xizmati turlari o’rganilgan.
Shuningdek, ilmiy tadqiqot ishimning ikkinchi bobida O’zbekiston Respublikasida banklar tomonidan ko’rsatilayotgan xizmat turlarining va bank xizmatlari bozorining rivojlanish holati, tijorat banklarida zamonaviy bank xizmatlari holati tahlil etilgan.
Tijorat banklari tomonidan xo‘jalik yurituvchi sub’ektlarga, jumladan, kichik biznes va xususiy tadbirkorlik subektlariga hamda aholiga konsalting (maslahat berish) xizmatlarini, ya’ni, bank xizmati turlari haqida, tijorat banklari tomonidan amalga oshiriladigan bank operatsiyalari, biznes bo‘yicha hamkorlar bilan optimal hisob-kitobni tashkil qilish, bank tomonidan xo‘jalik yurituvchi sub’ektlarni kreditlash turlari va usullari, biznes reja tuzish va texnik-iqtisodiy asoslab berish, investitsiya takliflarini texnik-iqtisodiy asoslab berish, investitsiya loyihalariga tanlov konkurenta qatnashish uchun zarur hujjatlarni tayyorlash, bank kreditlarini rasmiylashtirish uchun zarur hujjatlar paketini tuzish bo‘yicha xizmat ko‘rsatish, xo‘jalik yurituvchi sub’ektlar likvidligining tahlili, tadbirkorning ishlab chiqarish salohiyatining tahlili, kreditlash va hisob-kitob usullari, investitsiya faoliyati va pul mablag‘lari joylashtirishning ustuvor yo‘nalishlari, marketing va mahsulotni sotish, moliya va investitsiyalarni boshqarish, bugungi kunda amalda bo‘lgan bank qonun hujjatlari bilan tanishtirish kabi bank xizmatlari ko‘rsatib kelinmoqda.
Jahon mamlakatlari tomonidan ham aynan chakana bank xizmatlariga bo‘lgan ehtibor yil sayin ortib bormoqda. Rivojlangan mamlakatlarda chakana bank xizmatini eng rivojlangani tarmog‘i bo‘lib plastik kartochkalar hisoblanadi. Plastik kartochkalarning aholi hamda tijorat banklari uchun o‘ziga yarasha qulayliklari mavjud. Bugungi kunda elektron tizim hamda internet orqali ko‘plab sotish-sotib olish, yoki ko‘rsatilgan xizmatlar uchun to‘lovlarni amalga oshirish juda ham rivojlanib takomillashib bormoqda. Mobil aloqa va plastik kartochkalar orqali to‘lovlarni amalga oshirish va ulardan keng foydalanish chakana bank xizmatlarini taraqqiyoti uchun zamin yaratib bermoqda. Jumladan, iste’mol kreditlari uchun to‘lovlarni amalga oshirish, pul o‘tkazmalarida sms xizmatlarni joriy qilinishi, depozit amaliyotlari bilan bog‘liq operatsiyalarda ushbu tizimning qo‘llash juda ahamiyatli bo‘lmoqda. Aynan, shu kabi bankning chakana xizmatlarini rivojlantirish va ular orqali aholiga qulayliklar yaratish maqsadida xorij tajribasini o‘rganish va ulardan samarali foydalanish zamon talabiga aylanib bormoqda.
Jahonda yuz berayotgan global o’zgarishlar, aholi turmush darajasining yaxshilanishi va farovonligining ortishi, turli mamlakatlar miqyosida ishlab chiqarish va xizmat ko’rsatish tarmoqlarining tubdan o’zgarishi barcha turdagi bank-moliya xizmatlarini taqdim yetuvchi muassasalar oldiga katta mas’uliyat yuklaydi.
Do'stlaringiz bilan baham: |
