Kirish Ilmiy-tadqiqot ishimning dоlzаrbligi

Ilmiy-tadqiqqot ishimdan maqsad iqtisodiyotni modernizatsiyalash sharoitida chakana bank xizmatlarini bozorini barqaror rivojlantirish va bank xizmatlari sifatini oshirishga qaratilgan ilmiy taklif va amaliy tavsiyalar ishlab chiqishdan iboratdir.

Ilmiy-tadqiqot ishida o’z oldimga qo’ygan vazifam shundan iboratki, ilmiy muammoni tadqiq qilishda tajribaga ega bo’lish, shuningdek magistrlik dissertatsiyasini bajarishda zarur materiallarni to’plash hisoblanadi.

Ilmiy-tadqiqot ishimning obyekti bo’lib, O‘zbekiston Respublikasi “Ipoteka-bank” ATIB Mehnat filiali hisoblanadi.

Ilmiy tadqiqot amaliyotining ilmiy va amaliy ahamiyati shundaki, undagi takliflar va xulosalar tijorat banklarining turli operatsiyalarini takomillashtirish bo‘yicha tadbirlarini ishlab chiqishda, shuningdek iqtisodiyot yo‘nalishidagi oliy o‘quv yurtlarida pul, kredit va banklar, bank ishi va xalqaro valyuta-kredit munosabatlari fanlarida foydalanish mumkin.

Men Magistratura bo’limi BI-1 guruh talabasi Ergashev Quvonchbek Dilshod o’g’li malaka amaliyotini 2018-yil 13-sentyabrdan 2019-yil 24-maygacha “Ipoteka-bank” ATIB Mehnat filialidao’tadim. Bankda menga ilmiy tadqiqot ishi amaliyot rahbati etib Iqtisodiyot tarmoqlarini kreditlash bo’limi bosh mutaxassisi D. Fayziyeva va Bosh buxgalter o’rinbosari A. Qasimov tayinlandi va ular mega bankka oid har bir detalni qunt bilan o’rgatishga harakat qildi. Ularning ko’magida bankning ichki nizomi bilan tanishdim, bank kredit siyosati, bank bo’limlarining ish faoliyati va jamoat ishlari to’g’risida qisqacha ma’lumotlarga ega bo’ldim. Dastlab bek-ofis, front-ofis va kompyuterlashtirish bo’limlari ish faoliyati bilan tanishib chiqdim.

Mamlakatimiz bank tizimi juda katta rivojlanish yo’lidan ketmoqda. Bu borada mamlakatimiz Prezidenti tomonidan tegishli hujjatlar o’rganilib, imzolanmoqda. Banklarning hujjatlashtirish va hujjatlar aylanishi, amaliy dasturlar bilan ishlash, ma’lumotlar bazalarining yaratilishi va ularning xavfsizligini ta’minlash, informatsion-kommunikatsion texnologiyalar bilan qurollangan samarali bank tizimini yaratish muammolari atroflicha tahlil etilmoqda. Bunda albatta bank to’g’risidagi Qonunlar, Markaziy bankning me’yoriy hujjatlari yaqindan yordam beradi. Banklar faoliyatini o’rganishda 1996-yil 25-aprelda qabul qilingan “Banklar va bank faoliyati to’g’risida” gi Qonun, 1995-yil 21-dekabrda qabul qilingan “Markaziy bank to’g’risida” gi Qonun, 2005-yil 2-noyabrda Oliy Majlis tomonidan qabul qilingan “Elektron to’lovlar to’g’risida” gi va 2004-yil 29-aprelda qabul qilingan “Elektron hujjat aylanishi to’g’risida” gi Qonunlar menga yaqindan yordam berdi. Shuningdek, kreditlash, naqdsiz to’lovlar aylanishi, valyuta bilan bog’liq turli xil qonun va qonunosti hujjatlar to’plami bilan tanishdim va bu mening bank tizimiga bo’lgan qiziqishimni yanada oshirishga xizmat qildi.