Кириш I боб. Mеҳнат таълими дарсларини инновацион технологиялар асосида ташкил этишнинг илмий-назарий асослари

1.3.Таълим жараёнини ташкил этишда ўқитувчининг инновацион фаолияти
Педагогик фаолият ёш авлодни ҳаётга, меҳнатга тайёрлаш учун халқ олдида, давлат олдида жавоб берадиган, болаларга таълим-тар­бия беришга махсус тайерланган одамларнинг меҳнат фаолиятидир. Ўқитувчиларнинг фаолияти инсон шахсини шакллантиришга қа­ратилган. Ҳар бир бола ўз хулқ атворига, характерига эга. Бола­ларни тарбиялашда уларнинг ана шу ўзига хусусиятларини ҳисобга олиш, ўрганиш ниҳоятда мураккабдир. Бунда одамлар ўртасидаги иж­тимоий муносабатларининг мураккаблигини ўзида акс эттирувчи мах­сус усуллардан фойдаланилади. Педагогик фаолиятга тайёргарлик кў­раётган ёшлар унинг ана шундай хусусиятларини билишлари лозим. Ўқитувчилик ихтисосининг бу хусусиятлари унинг профессиограммаси­да ифодаланади.
Профессиограмма қуйидагиларни ўз ичига олди:
1. Ўқитувчи шахсининг хусусиятлари.
2. Ўқитувчининг руҳий педагогик тайёргарлигига қўйиладиган талаб­лар.
3. Махсус тайёргарликнинг мазмуни.
4. Ихтисосга усулий тайёргарликнинг мазмуни.
Ўқитувчи шахсининг хусусиятлари: Ғоявий соҳада: илмий дунёқараш ва эътиқод, ижтимоий эҳтиёж ва ахлоқий заруриятларни чуқур тушуниш, ижтимоий фуқаролик бурчини англаш, ижтимоий сиёсий фаоллик.
Педагог касби соҳасида: болаларни севиш ва улар билан ишлаш­га қизиқиш, педагогик ишни севиш; руҳий педагогик зийраклик ва кузатувчанлик педагогик такти; педагогик тасаввур; ташкилотчилик қобилияти, ҳаққонийлик, дилкашлик, вазминлик, ўзини тута билиш, касбий лаёқатлилик. Кенг илмий савия, маънавий ва қизиқиш, янги­ликни ҳис қила билиш, педагогик маълумотни оширишга интилиш эса билиш соҳасига киради.
Ўқитувчи фаолиятини ташкил этишга янгича ёндошув
Кадрлар тайёрлаш Миллий дастури рақобатбардош кадрлар тайёрловчи замонавий педагогга қўйиладиган талаблар мажмуини белгилайди. Бир-бирига боғлиқ бўлган талабларнинг ушбу мажмуи, педагогнинг умумлаштирилган моделини ташкил этади. Умумлашган моделга мувофиқ асосий (фундаментал) талаблар қуйидагилардан иборат:
-таълим бериш маҳорати:
-тарбиялай олиш маҳорати;
-ўқув-тарбия жараёнида инсон омилини таъминловчи шахсият фазилатлари:
-таълим олувчиларнинг билимларини холисона баҳолай олиш ва назорат қила олиш маҳорати.