Kirish I bob. Klassitsizm – XVII asr fransuz madaniyatining asosiy yо‘nalishi

Kurs ishining maqsadi va vazifalari. XVIII asr fransuz adabiyotida ilg‘or yunalishlar hisoblangan klassitsizm va ma’rifatparvar adabiy oqimlar davrida roman janri ham o‘ziga xos tarzda rivojlandi. "Haqiqiy birinchi fransuz romani" (R.M.Samarin) hisoblangan madam de Lafayetning "Klev malikasi" (La Princesse de Cleves, 1678) tahliliy prozaning ilk namunasi hisoblanadi. Kurs ishida yuqoridagi asarlarning janr va uslub xususiyatlari tahlil qilinadi.
Kurs ishini yozish jarayonida asosan quyidagi vazifalarni hal etmoqchimiz:

• 
  fransuz klassitsizm romanida ratsional uslubning asosiy tamoyilarini aniqlash;
  
• 
  fransuz klassitsizm romani matnida analitik va psixologik yo‘rig‘idagi tasviriy vositalarning o‘rnini aniqlash;
  

Mavzuning o‘rganilganlik darajasi. XVII asr fransuz adabiyoti tarixi fransuz olimlari Andre Lagard va Loran Misho, rus olimlari S.S.Mokulskiy, D.D.Oblomiyevskiylar tomonidan yaratilgan tadqiqot va darsliklarda birmuncha keng yoritilgan. Shuningdek, bu davr proza janri va uning uslub xususiyatlari haqida J.Varlo, J.Vuazen, A.V.Chicherin, V.D.Grib tadqiqotlarida umumiy fikrlar bildirilib o‘tilgan bo‘lsa-da, ammo roman janri, uning janr va uslubi jihatlarini yorituvchi alohida tadqiqot mavjud emas.
Biz ushbu kurs ishimizda XVII asr fransuz romanining janr va uslub xususiyatlarini kompleks tarzda tahlil qilishni maqsad deb qo‘ydik.
Kurs ishi ob’ekti va predmeti. Tadqiqot obektini XVII asr fransuz prozasining roman janri va uslubini aks ettiruvchi tasviriy vositalar, lingvopoetik omillar tashkil kiladi.
Kurs ishi predmeti fransuz klassitsizm romani janri va uslubining o‘ziga xos xususiyatlarini tavsiflash, shuningdek lingvopoetik asnoda tahlil qilishdan iboratdir.
Tadqiqotning metodologik asoslari va tadqiq usullari. Kurs ishi mohiyati va mazmuni oldiga qo‘yilgan vazifalarni hal etishda muallif O‘zbekiston Respublikasi Prezidenti I.A.Karimov asarlaridan, filologiya ilmiga oid tarixiy-qiyosiy, ilmiy-tavsifiy va lingvopoetik tahlil metodlaridan foydalanadi. Ayni paytda fransuz olimlari J.Varlo, J.Vuazen, rus olimlari M.M.Baxtin, A.V.Chicherin hamda o‘zbek adabiyotshunoslari M.N.Xolbekov, B.S.Ermatovlarning fransuz prozasi, uning poetik xususiyatlari tahliliga bag‘ishlangan ilmiy tadqiqotlari ushbu Kurs ishini yozishda tayanch dastur sifatida xizmat qiladi.