Кириш (фан доктор (DSc) диссертацияси аннотацияси) Диссертация мавзусининг долзарблиги ва зарурати

Мавзунинг ўрганилганлик даражаси. Диссертацияда муаммони ўрганилишига доир адабиётлар даврийлиги ҳамда мавзуга бевосита ва билвосита алоқадорлигига қараб қўйидаги гуруҳларга бўлиб тадқиқ қилинди:
1) Қадимги ва ўрта асрлар даврига доир тарихий манбалар;
2) ХIХ аср охири-ХХ аср бошларига оид материаллар;
3) совет давридаги илмий изланишлар;
4) мустақиллик йилларида олиб борилган тадқиқотлар;
5) хорижий тадқиқотчиларнинг илмий изланишларининг қисқача шарҳи.
Мавзунинг ўрганилганлик даражаси диссертациянинг 1.2. параграфида муфассал берилган.
Диссертация мавзусининг иш бажарилган олий таълим муассасининг илмий-тадқиқот ишлари режаси билан боғлиқлиги. Диссертацион тадқиқот Термиз давлат университети илмий-тадқиқот ишлари режасининг “Ўзбекистоннинг жанубий ҳудудларида моддий ва этномаданий жараёнларнинг этнологик таҳлили” мавзусидаги лойиҳа, шунингдек, “43-2070927504−Сурхондарё вилояти тарихий экотуризм салоҳияти” илмий-амалий лойиҳалари доирасида бажарилган.
Тадқиқотнинг мақсади Ўзбекистоннинг жанубий ҳудудлари (Қашқадарё ва Сурхондарё вилоятлари) аҳолисининг моддий маданиятида кечган трансформацион жараёнларни этнологик аспектда очиб беришдан иборат.
Тадқиқотнинг вазифалари:
- ишда жаҳон этнологиясининг назариялари таҳлилида Жанубий Ўзбекистон аҳолисининг ХIХ аср охири - ХХI аср бошларида моддий маданияти муаммоларини ўрганишга оид назарий-услубий қарашларни тадқиқ этиш;
- тадқиқот жараёнида йиғилган этнографик материаллар асосида минтақа аҳолисининг анъанавий тураржойлари, кийим-кечаклари ва таомлари трансформациялашувига сабаб бўлган муҳим тарихий, ижтимоий-иқтисодий ва маданий омилларни таҳлил қилиш ҳамда минтақа моддий маданияти билан боғлиқ урф-одат ва маросимларнинг сақланиш даражасини моддий ашёлар билан боғлиқ жиҳатларини аниқлаш;
- аҳоли уй-жойларининг тузилиши ва кўриниши, транформация ва инновацияларнинг таъсирида уй-жойлар жиҳозланиши ва безатилишида анъанавий жиҳатларининг замонавийлашув тенденцияси омиллари ва функцияларини этнологик нуқтаи-назардан таҳлил қилиш;