Kirish. Elektr yuritma asoslari

Elektr yuritmaning turg‘un harakati. Mexanik harakat barqarorligi

Elektr yuritmaning turg‘un ish rejimi dvigatel va ishchi mexanizmining momentlari va burchak tezliklarini tengligi bilan xarakterlanadi. Bu rejimni aniqlash maqsadida dvigatel va ishchi mexanizmining mexanik xarakteristikalari , M tekisligining bir kvadrantida tasvirlanadi (2.6-rasm).

2.6-rasm. Turg‘un harakat ko‘rsatkichlarini aniqlash
Xarakteristikalarning kesishish nuqtasi M_t, _t turg‘un rejimni aniqlaydi. SHunday qilib, misol uchun, ventilyatorni (2 xarakteristika) aylantiruvchi asinxron dvigatel (1 xarakteristika) bilan turg‘un harakati "a" nuqtada bo‘ladi. Rasmdan, yana shuni ko‘rish mumkinki, EYU ni ishga tushirish va tezlashtirish uchun dvigatelning boshlang‘ich ishga tushirish momenti M_it xar doim boshlang‘ich yuklama momentidan M_sb katta bo‘lishi kerak.
Turg‘un harakatni to‘la taxlil qilish uchun, bu harakatning barqarorligini xam aniqlash zarur.SHunday turg‘un harakat barqaror bo‘ladiki, u qandaydir tashqi taosir natijasida turg‘un rejimdan chiqarilsada, bu taosir yo‘qolgandan so‘ng, shu rejimga yana qayta oladi.
Qolgan xollarda harakat barqarormas bo‘ladi.
Harakat barqarorligini namunasi sifatida yuza ustidagi sharning muvozanat xolatini keltirish mumkin, barqaror 2.7, a- rasmdagi va barqarormas 2.7, b-rasmdagi xolat.

2.7 - rasm. Harakatning barqarorligi tushunchasi uchun

Harakat barqarorligini aniqlash uchun mexanik xarakteristikalardan foydalanish qulaydir.

Misol sifatida yuk ko‘tarish kranini ijro organining asinxron dvigatelli elektr yuritmasi harakatining barqarorligini ko‘rib chiqamiz (2.8-rasm).
Bunda, M = M_s bo‘lganda turg‘un harakat ikki tezlik qiymatida mumkindir: 1 nuqtada _t1 va 2 nuqtada _t2. Bu ikki nuqtadagi harakat barqarorligini aniqlaylik.