Кириш диссертация мавзусининг долзарблиги ва зарурати

Тадқиқотнинг мақсади кўп ўлчамли автоматик ростлаш ва бошқариш системалари учун юқори солиштирма кучни ҳосил қилиш ҳамда чизиқли ва бурчакли чиқиш силжишлари тўпламини олишга қодир бўлган интеллектуал кўп координатали электр магнитли мехатрон модуллар ёрдамида бошқариш алгоритмлари ва структуравий-режимли моделларни ишлаб чиқишдан иборат.
Тадқиқотнинг вазифалари:
автоматик бошқаришнинг интеллектуал робототехник системаларини кўп координатали мехатрон модуллари назарияси ва амалиётининг замонавий ҳолатини таҳлил қилиш;
кўп координатали электромагнит мехатрон модулларни қуриш тамойиллари ва умумлашган структуравий схемаларини ишлаб чиқиш;
морфологик, графли ва назарий-тўпламли моделларни қуриш ҳамда ҳаракатланишнинг ижрочи электромагнит мехатрон модулларни қуриш тамойилларини асослаш;
системали функциялар ва сонли ҳисоблашларнинг белгили ифодаларини олиш ва таҳлил қилиш учун яроқли бўлган геометрик белгиларнинг ягона тилида электр магнитли механик занжирлар ва модулларнинг моделларини тузиш;
ассоциатив хотира технологияси асосида электр магнитли кўп координатали мехатрон модуллар ёрдамида интеллектуал бошқариш;
электр магнитли мехатрон модулнинг асосий статик ва динамик тавсифларини тадқиқ қилиш.
Тадқиқотнинг объекти автоматик бошқариш системаларининг интеллектуал кўп координатали электр магнитли мехатрон модуллари ҳисобланади.
Тадқиқотнинг предмети кўп координатали электр магнитли мехатрон модуллар ёрдамида интеллектуал бошқариш системаларининг моделлари ва алгоритмларидан иборат.