Кириш диссертация мавзусининг долзарблиги ва зарурати

Муаммонинг ўрганилганлик даражаси. Мехатрон системалар ва уларнинг математик моделларини ишлаб чиқишнинг долзарб масалаларига йўналтирилган илмий тадқиқотлар дунёнинг етакчи илмий марказлари ва олий таълим муассасалари, жумладан Bergen Laboratories Ins, University of Michigan General Elektric (АҚШ), Sony ва Tokyo Technology Institute, Yaskawa Toshiba (Япония), Technical University of Ilmenau ва Siemens and Halke, Халмстад Шведция университети, Dunkermotoren (Германия), ASEA (Швеция), Н.Э.Бауман номидаги МДТУ, «Станкин» МДТУ, РЭАМИ, Москва асбобсозлик ва автоматика университети, «ТАРИС» илмий ишлаб чиқариш бирлашмаси (Россия), Киев автоматика институти (Украина), И.Каримов номидаги ТошДТУ, Турин политехника университети, Фарғона политехника институти (Ўзбекистон) да амалга оширилмоқда.
Интеллектуал мехатрон ва электр магнитли системаларнинг илмий масалаларини ечишга хорижлик олимлардан A.A.Кобринский, D.Shetty, N.P.Maxalik, T.Caatlu, А.М.Кориков, А.Н.Горитова, А.С.Ющенко, Б.А.Ивоботенко, В.Б.Тарасов, В.Волтон, В.Е.Григорьева, В.Е.Луценко, В.М Дмитриева, Д.В.Свечарник, Д.В.Соломахин, Д.Стокич, Е.И.Воробьева, Е.И.Юревич, И.М.Макаров, И.Симояма, К.В.Фролов, К.Ли, К.Фу, М.Вукобратович, М.М.Аршанский, Н.Кирчански, Н.Ф.Ильинский, П.Андре, Р.Гонсалес, С.С.Кожин,Т.Исии, Ф.Куафе, Х.Сайман, Ш.Ноф, Э.Накано, Ю.В.Подураев, Ю.М.Осипов, Ю.М.Сафонов, Ю.Ройзензонлар ва бошқалар, мамлакатимиз олимларидан А.А.Халиков, Б.М.Азимов, И.Х.Сиддиков, М.М.Камилов, М.Ф.Зарипов, Н.Р.Юсупбеков, П.Ф.Хасанов, С.Ф.Амиров ва бошқалар ўзларининг улкан ҳиссаларини қўшишган.
Автоматик бошқаришнинг интеллектуал системаларига бўлган талабнинг ошиши, бошланғич ахборотлар тўлиқ бўлмаган ёки ноаниқ бўлган, ташқи ғалаёнлар ва ишлаш муҳити ноаниқ шароитларда ишлашга априор йўналтирилган мехатрон системалардан фойдаланиш, бошқаришга ноанъанавий ёндашувларни жалб этиш, сунъий интеллектнинг тамомила янги технологиялари ва махсус усулларидан фойдаланишни талаб этади. Бироқ, мураккаб электр магнитли мехатрон системалар учун интеллектуал технологиялардан фойдаланиш билан боғлиқ бўлган интеллектуал электромагнит мехатрон модуллар етарли даражада ўрганилмаган.