Кино ва телевидениеда монтаж

46-rasm. 
 
Montajdagi  xatoliklar  televidenie  va  kino  ijodkorlarini  va 
animatorlarni har qadamda ta’qib qiladi deyish mumkin. 
Aktyor  uzoq  muddatli  gastroldan  qaytib  keldi  va 
vaqtincha  to‘xtab  qolgan  tasvirga  olish  ishlari  davom  ettirila 
boshlandi.  Faqat  endi  voqealari  ko‘chada  sodib  bo‘ladigan 
epizodning  tasvirga  olish  ishlari  boshqa  shaharda  davom  etadi. 
Operator  film  qahramonining  epizoddagi  ichki  kechinmalari  va 
ruhiy holatini ochib beradigan ajoyib bir joyni topdi. Bu ko‘cha, 
ayniqsa quyosh botish paytida yanada g‘aroyib ko‘rinadi. Ijodiy 
guruh belgilangan joyga yetib kelishadi. Operator tasvirga olish 
nuqtasini  tanlab  kamerani  o‘rnashtiradi.  Agar  rejissyor,  bu 
kadrdan  oldin  bir  necha  oy  avval  tasvirga  olingan  kadrda 
qahramonning qaysi yo‘nalishda harakat qilganini eslab, shunga 
yarasha  mizanssena  belgilamasa,  uni  film  montajida  jiddiy 
muammolar kutib turibdi. Tomoshabin esa film qahramoni nima 

---

91
 
 
sababdan kutilmaganda o‘z yo‘nalishini qarama-qarshi tomonga 
o‘zgartirganini  topish  uchun  ancha  bosh  qotirishga  majbur 
bo‘ladi. 
Biroq,  agar  rejissyor  operator  tasvirga  olish  nuqtasini 
belgilashda  qahramonning  avvalgi  harakatlarini  inobatga 
olmaganligini  o‘z  vaqtida  payqab,  xatoni  to‘g‘rilashga  harakat 
qilsa  janjal  chiqishi  aniq.  Chunki,  operator  boshqa  nuqtadan  bu 
kadrni  tasvirga  olish  kutilgan  tasviriy  effektni  bermasligini 
ta’kidlab o‘z so‘zida turib oladi.  
Kim  aybdor?  Har  ikkalasi  ham!  Operator  tasvirga  olish 
nuqtasini  tanlash  paytida  montaj  haqida  o‘ylamadi.  Rejissyor 
esa operator qidirib topgan tasvirga olish  joyini borib ko‘rishga 
eringan. Bu nima deb ataladi? Juda oddiy – professionalizmning 
yetishmasligi!  Agar  operatorning  qo‘lida  raskadrovka  va    mi-
zanssena  chizmalari  bo‘lganida  bunday  kamchilikka  yo‘l 
qo‘yilmagan bo‘lardi. 
Harakatning  shartli,  vektorli  tasviri  bizga  montajning 
ikkita  tamoyilini  bir  vaqtning  o‘zida  tushunishga  imkon  beradi. 
Agar,  epizodda  inson  ishtirok  etayotgan  bo‘lsa  va  u 
harakatlanayotgan biror ob’ektni kuzatib turgan bo‘lsa, bu holda 
ob’ektning harakati nafaqat qo‘shni kadrlarda o‘zaro bog‘langan 
bo‘lishi  kerak,  balki  u  bu  vaziyatni  kuzatib  turgan  insonning 
nigohi  yo‘nalishi  bilan  ham  mos  kelishi  kerak  (nigox  ham  
vektor).  Shuning  uchun  ham,  harakat  sodir  bo‘layotgan 
makonga nisbatan tomoshabinning mo‘ljal olishini ham hisobga 
olish zarur bo‘ladi. 
Bunga  misolni  deyarli  istalgan  filmdan  topish  mumkin. 
Ammo  biz  buyuk  kinorejissyor  Abel  Gansning  “Sirano 
D’Artanyan” filmidan bir misolni ko‘rib chiqamiz. 
Siranoning  otasi  o‘g‘li  bilan  xayrlashmoqda.  Yirik  planda  
ota  vidolashuv  so‘zlarini  aytadi.  U  tobora  uzoqlashib 

---

92
 
 
borayotgan  o‘g‘lining  izidan  qarab  qoladi.  Keyingi  kadr:  o‘rta 
planda biz o‘z uyini  tark etib ketayotgan Siranoni ko‘ramiz. Bu 
kadrlarning chizmasi 47-rasmdagi raskadrovkada ko‘rsatilgan. 
 
 
47-rasm. 
 
Otaning 
nigoxi 
qaratilgan 
yo‘nalish  bilan  o‘g‘li 
harakatlanib  ketayotgan  yo‘nalish  o‘zaro  mos  keladi.  Makonda 
mo‘ljal  olish  bo‘yicha  montaj  hamda  kadrdagi  asosiy  ob’ekt 
harakat  yo‘nalishi  bo‘yicha  montaj  tamoyillari  talablari  to‘liq 
bajarilgan. 57-rasm buni to‘liq tasdiqlab turibdi. 
Agar  ota  va  o‘g‘ilning  hayrlashish  chog‘ida  ularning 
yonida turgan bo‘lganida, bu epizodni har bir inson o‘z ko‘zlari 
bilan kuzatib, bunga ishonch hosil qilgan bo‘lardi. 
Ekrandagi  harakat  film,  televizion  ko‘rsatuvda  yoki 
reklama  roligining  syujetini  rivojlantiruvchi  asosiy  tasviriy 
shakllardan  biridir.  Qahramonlarning  rejissyor  tomonidan 
tashkil  qilingan  shartli  makonda  amalga  oshiradigan  hatti-
harakatlari  natijasida  tomoshabin  sahna  yoki  epizodning 
ma’nosini  tushunib  oladi.  Ba’zan  esa,  tomoshabin  faqat  aynan 
shu  harakatlar  orqali  yuz  berayotgan  syujet  rivojini  yoki 
muallifning g‘oyasini anglab oladilar. 

---

93
 
 
Qahramon  o‘z  maqsadi  tomon  harakatlanar  ekan,  u  o‘z 
yo‘lida  samolyotda  uchishi,  keyin  eshakda  yurishi,  so‘ng  yerda 
emaklashi  va  nihoyat  qayiqda  suzishi  mumkin.  U  o‘zining 
maqsadiga  erishish  yo‘lida  harakatning  turli  usullaridan,  turli 
transport  vositalaridan  foydalanishiga  to‘g‘ri  keldi.  Ba’zilarida 
qahramonimizning  harakati  aks  etgan,  ba’zilarida  esa  u 
qandaydir  transport  vositasida  harakatlanib  ketayotgani  aks 
etgan  va  ketma-ket  montaj  qilingan,  va  eng  asosiysi  aniq  bir 
tomonga  yo‘nalgan  harakat  aks  etgan  kadrlar  tomoshabinlar 
uchun  qahramonning  o‘z  masadi  tomon  intilishini  aks  ettiradi. 
Qahramon  harakat  yo‘nalishidagi  har  qanday  o‘zgarishni 
tomoshabin  qahramonning  o‘z  niyatini  o‘zgartirgani  va  boshqa 
bir yangi maqsad tomon harakatni boshlagandek qabul qiladi. 
Kadrlararo  montajda  kadrdagi  asosiy  ob’ekt  harakati 
yo‘nalishi bo‘yicha montaj tamoyili talablarini bajarish, nafaqat 
tomoshabinga  filmni  ko‘rishda  qulaylik  yaratish  shartlarini 
bajarishga,  balki  muallif  g‘oyasini  tomoshabinga  to‘g‘ri 
yetkazishga ham imkon beradi.