Kimyoviy texnologiya

Ilmiy uslubiy kengash raisi: dots. G’.G’.Egamnazarov

lmiy uslubiy kengash kotibi: M.Matchanova ­


K I R I SH
Hozirgi vaqtda Oliy matematikaning usullari fan, texnika va iqtisodning turli – tuman masalalarini hal qilishda keng qo’llanilmoqda. Xalq xo’jaligining barcha sohalarida matematik usullarining yalpi qo’llanilishi munosabati bilan bu usullarning ahamiyati yanada ortadi.

Talabalarda o’quv adabiyotni mustaqil o’rganish va undan foydalana bilish malakalarini hosil qilish, mantiqiy fikrlarni o’stirish va matematik madaniyatning umumiy saviyasini ko’tarish, tadbiqiy masalalarni matematik tilda ifodalashga o’rgatish maqsadida o’quv dasturlariga oliy matematika fanidan mustaqil amaliy ishlari kiritilgan va o’quv rejasida ularga mos soatlar ajratilgan.

Ushbu mustaqil amaliy ishlar oliy o’quv yurtlari talabalariga mo’ljallangan bo’lib, ularni bajarilishidan ko’zda tutilgan maqsad, ma’ruza va amaliy mashg’ulotlarda berilgan materiallar asosida talabalarning o’z ustida mustaqil ishlashini uyushtirishdan hamda shu asosda ularda ma’lum nazariy va amaliy ko’nikmalar hosil bo’lishiga erishishdan iborat. Oliy matematika kursi dasturiga muvofiq holda talabalarning 2 ta mustaqil amaliy ishlarini topshirishlari tavsiya qilinadi. Uslubiy qo’llanmada 2 ta mustaqil amaliy ishlar, ularga doir misollar hamda namunaviy misollar yechimlari bilan keltirilgan.

Birinchi mustaqil amaliy ishi yuqori tartibli diterminantlarni hisoblash, matritsalar ustida amallar, chiziqli tenglamalar sistemasini yechish, vektorlar ularning skalyar , vektorial va aralash ko’paytmalari va ularni yechish usullarini tadqiq qilishni ko’zda tutadi.

Ikkinchi mustaqil amaliy ishi tekislikda va fazoda to’g‘ri chiziq tenglamalari, tekislik tenglamalarini topishni, to’g’ri chiziq va tekislik orasidagi munosabatlar va ikkinchi tartibli chiziqlar (aylana, ellips, giperbola va parabola) kanonik tenglamalarini topishga va ularning tadbiqlarini o’rganishga mo’ljallangan.

Bu mustaqil amaliy ishlarini talabalar bajarib bo’lishgach, himoya qilishlari va topshirishlari ko’zda tutiladi.