Kimyoviy texnologiya

4. Suyuq fazada xlorlash
Etanning polixlorli birikmalari. 1,1,2-trixloretan-Cl₂CH-CH₂Cl suyuq modda, t_kayn=113,9⁰S (1,2- dixloretandan olinadi, qo‘shimcha 1,1,2,2, va 1,1,1,2-tetraxloretan hosil bo‘ladi). 1,1,1-trixloretan yoki metilxloroform CH₃-CCl₃ suyuq modda t_kayn=74,1⁰S (1,1–dixloretandan olinadi, qo‘shimcha 1,1,2-trixloretan va tetraxloretan hosil bo‘ladi). Ko‘p miqdorda ishlab chiqariladi va yaxshi erituvchi hisoblanadi.
Pentaxloretan CCl₃-CHCl₂, suyuq modda, t_kayn=186,8⁰S (1,2- dixloretan yoki 1,1,2,2-tetraxloetanni xlorlab olinadi). Qimmatbaho erituvchi- tetraxloretilen SSl₂=SSl₂ olish uchun ishlatiladi.
Geksaxloretan CCl₃-CCl₃ kristal modda, (xloretanlarni xlorlab olinadi). Erituvchi: triftortrixlor etan-Cl₂CF-CF₂Cl va freon triftorxloretilen CClF=CF₂ olish uchun ishlatiladi. Xlorparafinlar xar hil markalarda chiqariladi va turli sohalarda ishlatiladi. Xloparafin-13, tarkibida 12-14% xlor mavjud (kerosin yoki parafinli neftning (C₁₂-C₁₆) fraksiyasidan olinadi). Sirt faol moddalar sintezi uchun ishlatiladi.
Suyuq parafinlar (tarkibida 40 dan 49% xlor tutgan) plastifiqatorlar sifatida qo‘shiladi. Qattiq parafinlar tarkibida 70-72% xlor bo‘ladi, plastmassa va kauchuklarga olovbardosh qo‘shimcha sifatida qo‘shiladi. Xlorli polimerlarga xlorkauchuk, xlorlangan polietilen, polipropilen va xlorlangan polivinilxlorid (xlor 70% gacha) kiradi. Polimerlar tarkibiga xlor kiritish bilan ularning elastikligi ko‘payadi, adgeziya xususiyatlari yaxshilanadi.