Kimyoda kompyuter modellashtirish” fanidan savollar Kvant-mexanikasining asosiy tenglamasi?

24. Reaksiyalarni modellash? Kimyoviy reaksiyalarni modellashda reaksiyalar mexanizmlarini bilish muhim ahamiyat kasb qiladi. Sababi, kimyoda ma’lum bo’lgan reaksiyalarni (birikish, o’rin olish, ajralish va b.) modellash reaksiya mexanizmlari asosida olib boriladi. Hisoblash dasturlarida dastlabki birikmalarning va reaksiya mahsulotlarining geometriyalarini kiritish orqali mazkur reaksiyaning o’tish holatini topish mumkin. Ammo, shuni ta’kidlab o’tish kerakki, nazariy izlanishlar kamida 3 marta avval boshidan takrorlanishi kerak va uchta holatda ham olingan natijalar bir xil bo’lsa va tajribada olingan ma’lumotlarni inkor qilmasa, hisoblashlar qoniqarli bajarilgan bo’ladi. Reaksiyalarda hosil bo’lishi mumkin bo’lgan birikmalarni oldindan o’rganish jarayonida, ya’ni reaksiya mahsulotlarini bashorat qilishda, ma’lum bo’lgan birikmalar uchun olingan natijalarga suyangan holda nazariy izlanishlar o’tkaziladi va natijalar taqqoslanadi. Umuman olganda, tajribada olingan ma’lumotlar hisoblash usullarini baholash uchun mezon vazifasini o’taydi. Yana shuningdek, hisoblashlarni bir nechta yarim empirik (AM1, PM3, RM1, PM6 va PM7) yoki noempirik usullarda (o’rta va katta basis to’plamlarida) olib borish maqsadga muvofiqdir. Reaksiyalarni modellashda muhim jihatlardan biri “teskari reaksiyani modellashdir”. To’g’ri va teskari reaksiya energetik xarakteristikalari bir-biri bilan mos tushsa hisoblashlarning qoniqarli o’tganligini ko’rsatuvchi faktorlardan biridir.