Kimyo-texnologiya

Begona o‘tlarga qarshi kurash. Maysalar unib chiqquncha xlor IFK gerbisidlari (1 gektarga 4 %li konsyentrat emulsiyasining 10-15 kg preparati) keng qo‘llaniladi: o‘simlikning bo‘yi 6-8 sm ga yetganda kalsiy sianamid (gektariga 260-350 kg) sepiladi. Kalsiy sianamid bilan ishlangan uchastkalardagi ko‘k piyozni ovqatga ishlatish mumkin emas. Daktal (50 % li namlanadigan poroshoq) bir yillik, bir va ikki pallali begona o‘tlarga qarshi gektariga 15-24 kg hisobida urug‘ unib chiqquncha ishlatiladigan gerbisid.

Piyoz ikki-uch marta yagona qilinadi, odatda, bu ish o‘toq qilish bilan birgalikda bajariladi. Bahorda ekilgan piyozlar aprelь may oyining boshida, o‘simlikning bo‘yi 7-8 sm.ga yetganda birinchi marta yagona qilinadi. Bunda o‘simlik oralarida 3-5 sm.dan masofa qoldiriladi. Avgustda ekilgan piyozlar erta bahorda yagona qilinadi. Birinchi yagonadan bir oy keyin, o‘simlik bo‘yi 15-20 sm yetganda ikkinchi marta yagona qilinadi. Ikkinchi , ohirgi yagonalashdan o‘simliklar orasida 7-8 sm masofa qoldiriladi. Piyoz ekini o‘suv davrida 4-5 marta kultivasiya qilinadi va o‘simlik atrofidagi hamda qatorlar orasidagi tuproqni yumshatish uchun 1-2 marta chopiq qilinadi.

Sug‘orish. Piyoz, ayniqsa urug‘ining unish va piyozboshi shakllanish vaqtida namni ko‘p talab qiladi. Avgustda ekilgan piyoz kuzdayok, kech kuzda va bahorda ekilganlari esa aprel oyidan boshlab, bahorgi yog‘ingarchilik to‘xtaganidan keyin sug‘oriladi. Piyoz yer osti suvi chuqur joylashgan bo‘z tuproqli yerlarga ekilgan piyoz taxminan 12-13 marta, yer osti suvi 1-2 m chuqurlikda joylashgan uchastkalarda 7-9 marta sug‘oriladi.