Kimyo-texnologiya

o‘ta namga talabchan o‘simliklar - karam, bodring, rediska va boshqalar;

namga talabchan o‘simliklar - pomidor, boyimjon, qalampir, piyoz;

namga kam talabchan o‘simliklar - ildizmevalilar, dukkaklilar, makkajo‘xori, qovoq;

qurg‘oqchilikka chidamli o‘simliklar - tarvuz, qovun.

O‘simliklarni bunday guruhlash shartli xarakterga ega, chunki o‘simliklarning navi va qo‘llaniladigan agrotexnika usullariga qarab ularning suvga talabchanligi keskin darajada o‘zgaradi.

Sabzavot ekinlarining namga talabi tezpisharligi, tup qalinligi, o‘g‘it normasi, tuproq tipi, urug‘dan yoki ko‘chatdan o‘stirishga bog‘liq.

Sabzavot ekinlarining suvga talabi transpirasiya va suvga talabchanlik koeffisiyenti bilan xarakterlanadi. 1 s quruq modda hosil qilish uchun sarflangan suv miqdori transpirasiya koeffisiyenti deyiladi. Bu ko‘rsatgich ekinlarda 400 dan 850 gacha o‘zgaradi. Masalan, karamda 500-550, qovoqda esa - 800.

Bir tonna tovar hosil olish uchun sarflangan suv miqdori suvga talabchanlik koeffisiyenti deb ataladi. Uning miqdori sabzavot ekinlarida 25-300 m3ni tashkil etadi. Agar suvga talabchanlik koeffisiyenti ekinda 130 m3 ni, hosildorlik 40 t.ga.ni tashkil esa, bir gektarga 5200 m3 suv talab etiladi.