Kimyo-texnologiya

Kechki kartoshka o‘stirish texnologiyasi

Er tanlash va tayyorlash. Haydalgan bedapoya, kuzgi g‘alla va oraliq ekinlardan bo‘shagan yerlarga yozda kechki kartoshka ekiladi. yerni tayyorlash sug‘orish, chuqur ag‘darmay haydash, chizel va bir yo‘la boronalashdan iborat.

O‘g‘itlash. Kechki kartoshkaga yerni haydash oldidan gektariga 25-30 tonna chirigan go‘ng. 300-350 kg ammofos va 150-200 kg kaliy tuzi solinadi.

Nav tanlash. Yozda ekib, qishki va urug‘lik kartoshka hosili olishda o‘rta va o‘rtakechpishar navlarni (Lorx, Temp, Loshiskiy, Sulev, 178 Berlixingen, Gollandiya navlaridan Kardinal, Diamant, Dezire, Pikasso kabilarni) 1 - 20 iyunlarda, tezpishar va o‘rtatezpishar navlar (Nevskiy, Zarafshon, Ogonyok, Deskoselskiy, Belorusskiy ranniy, Gollandiya navlaridan Sante, Marfona, Eskord, Romano, Impala, Binella, Kosmos, Kondor singarilarni) 15 iyundan 5 iyulgacha ekish maqsadga muvofiqdir.

Ayniqsa, o‘rtapishar va kechki navlarning urug‘lik tuganaklarini yozgi qilib ekish yaxshi. Chunki, ular omborxonalarda ekishgacha so‘limay va ko‘p nishlamay saqlanadi.