«kimyo-texnologiya»

yig‘ishtirib  olish.  Ko‘k  no‘xat  donlari  bir  vaqtda  yetil-  maydi.  Avval  pastki 
dukkaklar  keyin  ustidagilar  pishadi.  Shuning  uchun  hosilni  ikki  fazali  usulda 
yig‘ishtirish yaxshi natija beradi. Dukkak- larning 60-75 % i qo‘ng‘ir tusga kirishi 
bilan  ko‘k  no‘xat  o‘rib  dastalanadi.  Bu  paytda  donning  rangi  shu nav uchun  xos 
bo‘ladi,  namligi  35–40  %  ni  tashkil  qiladi.  O‘rim  3–4  kunda  tugallanishi  lozim. 
O‘rim JRB–4,2, KS–2,1 o‘roq mashinalarida PB–2,1 va PBA–4 moslamalari bilan 
jihozlab o‘tkaziladi. Dastalardagi hosil SK–5, SK–4, Keys kombaynlarida maxsus 
moslamalar  qo‘yib  yanchiladi.  Don  yanchilishida  namligi  16–  19  %  bo‘ladi. 
Dondagi namlik 15 % dan kam bo‘lsa donlar maydalanib ketishi kuchayadi, 20 % 
da donlar ezilib jarohatlanadi. Don yanchilishi ham 3–4 kundan oshmasligi lozim. 
Don  nobudgarchiligini  kamaytirish  maqsadida  o‘rim  ertalab  salqinda  o‘tkaziladi. 
Barabanlar  aylanish  tezligi  minutiga  400–500  gacha  kamaytirilib,  barabanlar 
oralig‘i kengaytiriladi. Ko‘k no‘xat bir tekis yetilsa bir yo‘la kombayn bilan o‘rib–
yanchib  olish  mumkin.  Poxoli hosil  yig‘ishtirilgandan keyin  darhol  g‘aramlanadi 
yoki  makkajo‘xori,  lavlagi  barglari  bilan  qo‘shib  silos  tay-  yorlashda  ishlatiladi. 
Urug‘lar  14–16  %  quritilib,  tozalanib  xaltalarda  yoki  uyumlarda  saqlanadi.  Ko‘k 
no‘xat  yashil  massasi  uchun  yetishtirilganda  dukkaklari  yoppasiga  o‘rim 
mashinalarida o‘riladi.  
Yashil massa hosili 350 ts/ga ga yetadi. Yashil o‘g‘it sifatida o‘simlik yoppasiga 
gullaganda,  o‘simliklar  ustida  g‘altak  bosiladi,  keyin  dala  uzunasiga  va 
ko‘ndalangiga diskalanadi, massa maydalanadi, 28-30 sm chuqurlikda haydab bir 
yo‘la borona qilinadi.