Kimyo texnologiya

2.O‘zbekiston texnik jihatdan tartibga solish davlat tizimi

“Texnik jihatdan tartibga solish to‘g‘risida”gi O‘zbekiston Respublikasi Qonuni

2009 yilning 23 aprelida kuchga kirgan “Texnik jihatdan tartibga solish to‘g‘risida”gi O‘zbekiston Respublikasi Qonuni 4 bob, 28 moddani o‘z ichiga olgan. Ushbu qonunni qabul qilinishi amalda bo‘lgan meyorlashtirish tizimini halqaro amaliyotga yana bir pog‘ana yaqinlashtirdi.

Qonunning maqsadi mahsulotlar, ishlar va xizmatlar xavfsizligiga doir majburiy talablarni belgilash, qo‘llash va bajarish sohasidagi munosabatlarni tartibga solishdan iborat.

O‘zbekiston Respublikasining “Texnik jihatdan tartibga solish to‘g‘risida”gi Qonuni fuqarolar sog‘lig‘i va hayoti, atrof - muhit muhofazasi va mamlakat mudofaa va milliy xavfsizligini ta’minlash mexanizmini yaratishga yo‘naltirilgan.

Qonunni qabul qilishdan maqsad eski texnik iqtisodiy xo‘jalik yuritish tizimidan yangi iqtisodiy boshqaruv tizimiga o‘tish va texnik jihatdan tartibga solish, shuningdek, Butun jahon savdo tashqi lotiga a’zo bo‘lishda texnik to‘siqlarning oldini olish hamda ushbu tashqi lot Kelishuvlari talablari to‘liq bajarilishini ta’minlashga qaratilgan bo‘lib, bu o‘z navbatida mamlaktimizda ishlab chiqaruvchilarning chet el hamkorlari bilan teng raqobatlashishiga imkoniyat yaratadi.

Qonunga asosan texnik reglamentlarni ishlab ko’rib da mahsulotlar, ishlar va xizmatlarning xavfsizlik mezonlarini belgilovchi milliy va xalqaro normativ xujjatlardan foydalaniladi hamda texnik reglamentlarda daliliy baza sifatida texnik jihatdan tartibga solish sohasidagi normativ xujjatlarning matnlari to‘liq yoki qisman keltirilishi belgilangan.

O‘zbekiston Respublikasining “Texnik jihatdan tartibga solish to‘g‘risida”gi Qonuni texnik reglament qabul qilinishi bilan mahsulotlar, ishlar va xizmatlarga standartlashtirish bo‘yicha normativ xujjatlardan foydalanish ixtiyoriy tus olishini belgilab berdi (22 modda). Ya’ni mahsulotlar, ishlar va xizmatlar texnik reglamentlar tasdiqlangan bo‘lsa, standartlashtirish bo‘yicha yangi ishlab chiqiladigan normativ xujjatlar foydalanish uchun ixtiyoriy bo‘ladi.