Kimyo texnologiya

Texnik jihatdan tartibga solish tizimini joriy etish zarurati

Ma’lumki hozirda Respublikamiz iqtisodiyot infrastrukturasini xalqaro jamiyatga integratsiyalash borasida bir qator ishlar olib borilmoqda. Ushbu jarayonda asosiy vazifa savdodagi mavjud texnik to‘siqlarning yechilishidir. Shu bois, texnik jihatdan tartibga solish bo‘yicha olib borilayotgan faoliyat o‘ta muhim ahamiyatga ega. Chunki, jahon bozoriga to‘siqlarsiz ko’rib , Butunjahon savdo tashqi loti talablariga javob berish uchun texnik talablarning oqilona qo‘llanilishi zarur bo‘ladi. Barcha MDH mamlakatlarida shakllangan tartibotga muvofiq O‘zbekistonda ham majburiy talablarni o‘rnatuvchi juda ko‘plab hujjatlar amalga kiritilgan bo‘lib, bu o‘z navbatida ishlab chiqarish va xizmat ko‘rsatishda, shuningdek tashqi savdo munosabatlarida ma’lum texnik to‘siqlar tug‘diradi. Bunday hujjatlar jumlasiga standartlar, sanitariya va gigiyena qoidalari, qurilish meyorlari va qoidalari, farmokopeya moddalari, fitosanitariya, ekologik, yong‘in, veterinariya, energetika, transport qoidalari kiradi. Bunday tizim xalqaro tajriba hamda Butunjahon savdo tashqi lotining “Savdodagi texnik to‘siqlar” (STT) va “Sanitariya va fitosanitariya choralari” (SFS) to‘g‘risidagi Bitimlari talablariga ziddir. Ushbu Bitimlar standartlarni ixtiyoriy qo‘llashga asoslangan bo‘lib, majburiy talablar esa boshqa hujjatda mujassamlangan. Bunday hujjat «Texnik reglament» deb ataladi.

Butun jahon savdo tashqi lotiga kirish maqsadida respublikamizda olib borilayotgan siyosat, avvalambor ishlab chiqarilayotgan mahsulotlar raqobatbardoshligini, eksport salohiyatini oshirishga yo‘naltirilgan.