Kimyo. Masala va mashqlar to

1.32. Tarkibida 14 % pirolyuzit (MnO₂) bo‘lgan 5 t ruda tarkibida qancha massa marganets bor? (Javob: 442,5 kg).

1.33. Tarkibida 60 % magnitli temirtosh (Fe₃O₄) bo‘lgan 2,5 t temir rudasidan qancha temir olish mumkin? (Javob: 1,1 t).

1.34. Qisman oksidlangan rux metali kukuni tarkibida 0,5 % kislorod borligi aniqlangan bo‘lsa, shu namunadagi rux metalining massa ulushini hisoblang.

Yechish. Ushbu turdagi masalalarni yechishda ma'lum miqdor namuna (ixtiyoriy) tanlab olinadi. Masalan, 100 g namuna olingan bo‘lsa, uning tarkibidagi kislorodning massasi:

m(O)=(O).m=0,005.100=0,5 g

aniqlanadi. So'ngra aralashmadagi metall oksidining massasi quyidagi proporsiya asosida topiladi: 81:x=16:0,5 g; x=2,5 g.

Endi aralashmadagi sof metalning massasini hisoblash mumkin: m(Zn)=m-m(ZnO)=100-2,5=97,5 g.

Metalning massa ulushi:

yoki 97,5 %.

1.35. Qisman oksidlangan magniy metali kukuni tarkibida 2 % kislorod bo‘lsa, namuna tarkibidagi magniy metalining massa ulushini toping. (Javob: 95 %).

1.36. Tarkibida 0,85 % bog‘langan kislorod bo‘lgan alyuminiy metali parchasidagi metallning massa ulushini hisoblang. (Javob: 98,2 %).