Kimyo fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

g) estetik talablar: 
imkon darajasida yorqin, rangli, qiziqarli va chiroyli bo‘lishi; 
matnlar o‘quvchi-yoshlarga ma’lum ijobiy hissiy ta’sirlarni o‘tkazishi va o‘quv faniga 
qiziqish uyg‘otishi; 
bo‘lim, bob, paragraf va mavzu matnlarining turli shakl va ranglar bilan ajratilishida 
mutanosiblikning ta’minlanishi; 
rasm va tasvirlar badiiy estetik talablarga javob berishi, aniq va ravshan ifodalanishi 
lozim. 
d) gigiyenik talablar: 
matn va illustratsiyalar gigiyenik qoidalar, normalar va normativlarga mos bo‘lishi; 
harflarning kattaligi va qog‘oz sifati (og‘irligi, qalinligi, oqligi va shaffofligi) me’yoriy 
hujjatlarda belgilangan talablarga mos bo‘lishi lozim. 
2-§. Kimyo ta’limi tizimining moddiy-texnik ta’minotini
mustahkamlash
10. Kimyo ta’limining moddiy-texnik bazasini mustahkamlash bo‘yicha quyidagi 
tadbirlar amalga oshiriladi: 
Maktabgacha ta’lim tizimida 
Maktabgacha yoshdagi bolalarni maktab ta’limiga tayyorlash, jumladan, maktabda 
“Tabiatshunoslik” fanida zarur bo‘ladigan bilim va ko‘nikmalarni maktabgacha ta’lim 
tashkilotlarida o‘tiladigan atrof-olam bilan tanishish mashg‘ulotlarida shakllantiradi. 
Ushbu bilim va ko‘nikmalarni samarali shakllantirish uchun quyidagilarni mustahkamlash 
zarur: 
maktabgacha ta’lim o‘quv dasturiga bolalarni eksperimentlar, amaliy tajribalar orqali 
dastlabki kimyoviy tushunchalar bilan tanishtirib borish va ularga ilk izohlarni berib 
borish, tabiatni bilish bo‘yicha asarlar yaratgan buyuk siymolar (al-Beruniy, Abu Ali ibn 
Sino, Abu Nasr Forobiy va boshqalar) bilan tanishtirish bo‘yicha metodik ta’minot ishlab 
chiqish va amaliyotga keng joriy etish. 
Umumta’lim
tizimida
“Zamonaviy maktab” davlat dasturi doirasida umumiy o‘rta ta’lim maktablari uchun 
xalqaro tajribalarni hisobga olgan holda yangi turdagi zamonaviy o‘quv va laboratoriya 
xonalarini barpo etish va muqaddam tashkil etilgan o‘quv va laboratoriya xonalarini 
zamonaviy maktab namunasiga moslashtirishni ta’minlash; 
o‘quv va laboratoriya xonalarini zamonaviy mebel, jihozlar, asbob-uskuna va 
qurilmalar, o‘quv-uslubiy materiallar, kompyuter, interaktiv doska, planshet va 
multimedia texnikalari, internet, videokuzatuv tizimlari bilan jihozlashni ta’minlash, 
ularni o‘z vaqtida yangilab borish choralarini ko‘rish; 
o‘quv va laboratoriya xonalarida laboratoriya va amaliy mashg‘ulotlar uchun kerakli 

---

16
reaktiv va jihozlarni davlat budjeti, homiy tashkilotlar va ta’lim muassasasining budjetdan 
tashqari mablag‘lari hisobidan ta’minlash bo‘yicha takliflar ishlab chiqish;
davr talabi hamda o‘quvchilarning qiziqishlarini hisobga olgan holda dolzarb 
kasblarga yo‘naltirish uchun to‘garaklar, jumladan, kimyo fani yo‘nalishi bo‘yicha 
moddiy-texnik ta’minotini mustahkamlash; 
o‘quv laboratoriya jihozlari, kimyoviy reaktivlardan xavfsizlik texnikasi qoidalari va 
sanitariya-gigiyena talablariga rioya qilgan holda foydalanish.