Kimlar Yusuf alayhissalom mavzusini o‘rgangan

Mazkur dissertatsiyada umumiy holda o‘zbek adabiyotida Yusuf alayhissalom obrazining o‘ziga xos xususiyatlari, o‘xshash va farqli jihatlari yoritib beriladi.
Dolzarbligi: Tadqiqot O‘zbek mumtoz adabiyotida Yusuf Alayhissalom obrazi asosida sayyor sujet tadrijiga xos qiyosiy-tipologik xususiyatlarni oydinlashtirish hamda umumlashtirish zamirida ma’lum nazariy xulosalarga kelish imkoniyatini kengaytiradi. Bugungi kunda Yusuf alayhissalom qissasining bir qancha variantlari bor, ularning deyarli barchasida o‘xshash va farqli jihatlar uchraydi. masalan Qur’oni Karimda Zulayho degan nom umuman uchramaydi boshqa Muqaddas kitoblarda ham o‘ziga xosliklar mavjud. Yusuf alayhissalom qissasi badiiy manbalarda esa turlicha yangi voqea (Durbekda onasining qabriga borib yig’lashi)lar shaxs( Rabg’uziyda shayton qiyofasidagi keksa chol, Durbekda beshikdagi chaqaloq,(boshqa manbalarda o‘zlarining ahllaridan bo‘lgan kishi deyilgan, mavhumlik qolgan)lar kiritilgan holda kelgan. Mana shunday farqlar va o‘xshashliklar mavjudligi o‘laroq, ularni ajratish, bir-biriga qiyoslash ilmiy jihatdan o‘rganish muhim ahamiyat kasb etadi.
Kimlar Yusuf alayhissalom mavzusini o‘rgangan:
Hilola Safarova “Hazrati Yusuf – go‘zallik timsoli” (2003) ilmiy risolasida Yusuf alayhissalom qissasining bir qancha talqinlarini berib o‘tgan.
N.Hasan “Qissasi Rabg’uziyda Yusuf obrazi talqini” maqolasi
Jumayeva Dilnoza “Obrazlar tizimi tahlili” maqolasi
Vazifalar:

• 
  Qur’oni Karimda Yusuf alayhissalom qissasi haqida ma’lum bilimga ega bo`lish;
  
• 
  Hadislarda Yusuf alayhissalom talqinlari haqida;
  
• 
  Jomiy va Durbekning “Yusuf va Zulayho” dostonlarida Yusuf komil inson sifatidagi obrazini tahlil qilish;
  
• 
  “Qissasi Rabg’uziy” badiiy-tarixiy asarida Yusuf alayhissalom sujetining badiiy-tarixiy xususiyatlarini o`rganish;
  
• 
  Asarning ma’rifiy-badiiy asarlar an’anasi bilan bog’liqligini tahlil qilish;
  
• 
  Asar obrazlari talqinida tarixiylik va badiiyat uyg’unligi;
  
• 
  Shu asosda Yusuf alayhissalomni nafaqat “Yusuf va Zulayho” tarkibida, balki o‘zbek mumtoz adabiyotining taraqqiyotidagi o‘rnini belgilashdan iboratdir.