Кимёвий жараёнлар энергетикаси

Kuchli va kuchsiz elektrolitlar

Molekulalari hatto suyultirilgan eritmalarda ham oz darajada dissotsiyalanadigan elektrolitlar kuchsiz elektrolitlar deb ataladi. Ularga ba’zi kislotalar (masalan, sirka, tsianid, karbonat kislotalar va hakazo) va ba’zi tuzlar kiradi.

Kuchsiz elektrolit eritmalarining solishtirma elektr o’tkazuvchanligi eritmadagi ionlar soniga bog’liq; kuchsiz elektrolitlarning dissotsiyalanish jarayoni uchun massalar ta’siri qonunini qo’llash mumkin. Arrenius nazariyasi ham kuchsiz elektrolitlarning eritmalarigagina tatbiq etiladi.

Har-xil kontsentratsiyadagi eritmalarda ham sezilarli darjada yaxshi dissotsiyalanadigan birikmalar kuchli elektrolitlar deb ataladi. Ularning dissotsiyalanish darajalari 100%ga yaqinlashishi mumkin. Kuchli elektrolitlarga deyarli barcha tuzlar, kuchli kislota va kuchli asoslar kiradi. Kuchli elektrolitlarning eritmalaridagi ionlar miqdori ko’p bo’lganligi sababli ular orasidagi ionlararo tortishuv kuchlari ham sezilarli bo’ladi.