Кимё-биология факультети Тупрокшунослик кафедраси Сафарова Нилуфар

2.2. Тажриба навларининг агробиологик таснифи
1. “Москвич” нави: – ноқулай етиштириш шароитига мослашувчан навлар типига киради. П.П.Лукяненко номидаги қишлоқ хўжалик илмий-тадқиқот институтида яратилган. Ўзбекистон Республикасида 2005 йилдан бошлаб институт тажриба хўжаликларида синалмоқда.
Нав муаллифлари: Ю.М.Пучков, Г.Д.Набоков, Н.П.Фоменко, Т.Ф. Салярек, А.М.Васильева, И.Н.Кудряшов, Л.И.И.Шуровенкова, И.Б.Аблова, Р.Л.Воробьева, В.И.Ефременкова, Т.Г.Варламова.
Келиб чиқиши: Лют. 262l h2482/Олимпия-2 тур ичида чатиштириш компаниясидан олинган дурагай популяциясидан икки карра якка танлаш билан яратилган.
Умумий тафсифи: ўрта бўйли 95-100 см ётиб қолишга чидамли. Туп шакли ярим ёйма. Ўрта пишар, “Скифянка” навидан 3-4 кун кечроқ пишиб етилади. Бошоғи цилиндрсимон, бошоқ зичлиги ва узунлиги ўртача. Тур хили Lutescens. Бошоғининг учки қисмида қилтиқсимон ўсимталари бор. Бошоқ қипиқчалари тухумсимон-овал шаклида, ўртача узунликда (7-8мм), кенглиги 4 мм, томирланиши кучсиз, бошоқ қипиқчаси қисқа, ўтмас. Елкаси тўғри, ўртача катталикда. Дони ўртача йирикликда, тухумсимон, асоси тукли, қизил рангда, чоки саёз.
Ҳосилдорлиги: навнинг дон ҳосилига потенциал имконияти юқори, гектаридан 73,2 центнер.
Нонбоплик хусусиятлари: дон сифати “кучли” буғдойлар гуруҳига киради.
Касалликларга чидамлилиги: Чанг қоракуя, қўнғир ва сариқ занг бошоқ фузариоз касалликларига чидамли, совуққа чидамлилиги юқори, қурғоқчиликка чидамли.
Экиш муддатлари: мақбул ва кечки муддатларда экишга тавсия этилади.
Экиш меъёри: гектарига мақбул муддатда экилганда 5,0 млн, кечки муддатда 6,0 млн дона унувчан уруғ ҳисобида белгиланади.
2. “Краснодарская-99” нави: – юқори интенсив типдаги ўрта бўйли навлар турига киради.
П.П.Лукяненко номидаги Краснодар қишлоқ хўжалик илмий-тадқиқот институти ва Шимолий Кубан қишлоқ хўжалик тажриба станцияси билан ҳамкорликда яратилган. Ўзбекистон Республикасида 2006 йилдан экишга тавсия этилган.
Нав муаллифлари: Ю.М.Пучков, Г.Д.Набоков, Л.А.Беспалов,
Т.Ф.Салярек, И.Н.Кудряшов, Л.И.Шуравенкова, В.А.Воробьева, А.М.Васильева, В.И.Ефремснкова.
Келиб чиқиши: КН2665Гl0233/-КН4695h449/-/КН2621h 24-82 дурагай комбинациясидан олинган дурагайларни F2, FЗ, F4, F7 авлодидан тўрт карра якка танлаш усули билан яратилган.
Умумий тавсифи: паст бўйли ўсимлик баландлиги 90 смга яқин, ётиб қолишга чидамлилиги юқори. Ўрта пишар тур хили Lutescens. Бошоғи цилиндрсимон, бошоғи зич, ўртача узунликда. Қилтиқсимон ўсимталар қисқа. Бошқача қипиқлари елкаси тўғри ўртача кенгликда, тишчалари қисқа, тумтоқ. Дони тухумсимон, йирик, дон чоки чуқур эмас.