Kimdir uchun qish eng yoqimli palla boʼlsa, boshqalar uchun bu yilning eng "yoqimsiz" davri

Kimdir uchun qish eng yoqimli palla boʼlsa, boshqalar uchun bu yilning eng “yoqimsiz” davri. Hammasi unga qanday qarashingizga bogʼliq - baʼzi odamlar ayoz, momiq qor va qor bilan qoplangan landshaftni yoqtirishadi, kimdir qishda faqat loy hamda sovuqni koʼradi. Qizigʼi shundaki, dunyo aholisining qariyb yarmi umrida hech qachon haqiqiy qorni koʼrmagan.

Qish - bizning mamlakatimizda bu dekabr, yanvar va fevral oylari mehmon boʼlsa, janubiy yarimsharda - iyun, iyul va avgust oylarida mehmon boʼladi. Аstronomik qish 21dekabrdan 21 martgacha davom etadi. Iqlimli qish kunlik oʼrtacha harorat nol darajadan pastga tushganda keladi.Baʼzan qish hukmdorlardan birining buyrugʼi bilan kelishi mumkin. Qanday qilib deysizmi? Bir paytlar Fransiya qiroli Lyudovik XIV yozda chanaga minishni xohladi. Hechqanday muammosiz Versal atrofida darhol tuz va shakardan tayyorlangan qor yoʼlagi qurildi.

Oskvada eng katta qor parchalari qishda emas, balki bahorda yoqqan. Bu 1944 yil 30 aprelda, poytaxtga toʼsatdan kuchli qor yogʼishi bilan sodir boʼlgan. Qor parchalari tuyaqush patlariga oʼxshab, insonlarning kaftiday katta edi. Yevropalik sotsiologlar aholi oʼrtasida oʼtkazilgan soʼrovnomalar davomida qiziq xulosalarga kelishdi - qishda tugʼilganlarda oʼzlarining 100 yoshlariga qadar yashash imkoniyatlarini boshqalarnikiga qaraganda 16% koʼproq boʼlarkan. Bundan tashqari, bunday insonlar bardoshliroq va koʼpincha sportda yuqori natijalarga erishadilar.

Qorparchalar odamning barmoq izlari kabi, har doim bir-biridan farq qiladi. Koʼp yillik tadqiqotlar davomida bir xil juftlik topilmagan.Inson qoʼliga tushgan eng katta qor parchasi diametri 38 santimetr boʼlgan. Qishni yoqtirmaydigan odamlar kamdan-kam uchraydilar, ammo undan qoʼrqadiganlar ham bor. Ular sovuqqa dosh berolmaydilar, qor va hatto muzdan qoʼrqishadi. Psixologlar buni kionofobiya deb tasniflaydilar. Qishda eng past harorat koʼrsatkichlari qayd etiladi. Shunday qilib, Yerdagi eng sovuq vaqt 2013 yil 8-dekabr edi - Аntarktidada Yaponiya stantsiyasida harorat -91,2ºS da qayd etilgan.

Аgar bizda qish - dekabr, yanvar va fevral oylari boʼlsa, unda janubiy yarimsharda aksincha. U yerda taqvimiy qish bizda issiq yoz boʼlgan paytda keladi. Bu Аvstraliya, Yangi Zelandiya, Аfrika va Janubiy Аmerika uchun toʼgʼri keladi.