Кичик гуруҳ (3-4 ёш)

Теварак - атрофда мўлжал олиш. Болаларнинг атрофдаги нарсаларнинг ўзига 
нисбатан вазиятини сўз билан ифодалаш кўникмасини мустаҳкамлаш: ўнгда, чапда, олдинда, 
орқада, узоқда, яқинда. 

---

84 
Болаларни кўрсатилган йўналишда мўлжал олишга, берилган шарт бўйича ўз ҳолати 
ўрнини белгилашга ўргатиш (шундай тургинки, машина ўнг томонингда, копток олдингда 
бўлсин).  
У ёки бу предметни бошқа бир предметга нисбатан жойлашганлигини сўз билан 
ифодалашга ўргатиш (кучукчанинг чап томонида - қуён, кучукчанинг ўнг томонида - 
айиқча). 
Болаларни қоғоз варағи сатҳини мўлжалга олишга, қоғознинг ўнг, чап, юқори, паст 
қисмларини, ўртасини аниқлашга ўргатиш. 
Вақтни чамалаш. Болаларнинг вақт ҳақидаги тасаввурларини мустаҳкамлаш ва 
чуқурлаштириш: “Эрталаб”, “Кечқурун”, “Кундуз”, “Тун”, “Кеча”, “Бугун”, “Эртага” 
тушунчаларини фарқлаш ва бу сўзлардан тўғри фойдаланиш кўникмасини мустаҳкамлаш. 
Болаларни ҳафта кунлари билан таништириш ва ҳафта кунлари номларини изчиллик 
билан айтишга ўргатиш. Кеча ҳафтанинг қайси куни бўлганлигини, бугун қанақа кун, эртага 
қайси кун бўлишини аниқлашни ўргатиш. 
Болаларнинг вақт ҳақидаги тасаввурларини мустаҳкамлаш ва чуқурлаштириш. Йил 
фасллари билан таништириш ва фаслларнинг номини тўғри кетма-кетликда айтишга 
ўргатиш. 
Қуриш-ясаш. Лего жиҳозларидан лойиҳалар яратишни, 8-10 қисмдан кам бўлмаган 
пазлларни йиғишни ва қоғозларни букиб (оригами йўли билан) шакллар ясашни ўргатиш. 
Қурилиш материаллари тўпламларидан турли мавзуларда лойиҳалар яратишга 
ўргатиш.
Таълимий ўйин ва машқлар. Болалар йил давомида эгаллаган билим ва кўникмалар 
қуйидаги ўйин машқлар орқали мустаҳкамланади: 
“Кун қисмлари”, “Тўғри жойлаштир”, “Тескари саноқ”, “Қаерга борасан, нимани 
топасан?”, “Кеча, бугун, эртага”, “Топган-топалоқ”, “Бутун ва қисмлар”, “Рангли 
доиралар ва оваллар”, “Ҳафта”, “Кластер”, “Мозаика”, “Байроқчага қараб юр”, 
“Фасллар”, “Ким билса давомини санасин”, “Бир хилини топ”, “Ҳа-йўқ”, “Йил 
фасллари”, “Топинг нечта ўйинчоқ?”, “Ўнгда-чапда, олдинда-орқада”, “Қўнғироқча 
қаерда жиринглаяпти?”, “Мен қандай сон ўйладим?”, “Гараж”, "Етадими?", "Кўп, оз, 
шунча", "Мунчоқларни ипга тизинг", “Шартли белгилар асосида ҳаракат қиламиз”, 
"Поезд тузинг", "Зинапоя", "Ўз сонингизни эслаб қолинг", "Дарвозадан ўтинг", "Бошқа 
қўлимда нечта?", "Бир-бирига қараб", "Дарчани беркитинг", "Бу кимнинг қутиси?", "Ким 
биринчи?", "Ким энг топқир?", "Ким зийракроқ?".