Кичик гуруҳ (3-4 ёш)

Спорт машқлари. Велосипед учиш.  
Сузиш. Сувда нафас чиқариш, қўл ҳаракатларини ўрганиш ҳамда эркин усулда сузиш. 
Сувдаги ўйинлар. “Қутича”, “Денгиздаги тўлқинлар” 
Чиниқтириш ва соғломлаштириш 
Эрталабки гигиеник бадантарбия машқлари. Ҳар куни катталар назоратида 
эрталабки бадантарбия машқларини бажариш. Бадантарбия машқларини очиқ ҳавода 
гиламча устида, енгил кийимда предметлар билан ва уларсиз бажариш, машқларни сув 
муолажалари билан тугаллаш. Муайян изчилликда, аниқ, шиддат билан мускулларни таранг 
ҳолга келтириш, машқларни, қоматни тўғри тутган ҳолда бажариш. 
Чиниқтириш. Хонада енгил кийимда бўлиш, деразанинг кичик дарчасини очиб 
қўйиш. Эрталабки бадантарбия машқларини ҳар куни, ҳар қандай ҳавода бажариш. Кийим ва 
пойафзални мавсумга ва машқ турига мувофиқ танлаш. Юз, бўйин, қўлни тирсаккача совуқ 
сув билан ювиш. Бадантарбиядан сўнг дарҳол губка ёки уй ҳароратдаги сувда ҳўлланган 
кичикроқ пахмоқ сочиқ билан тана аъзоларини артиш: аввал қўлларни, кейин баданни қуруқ 
сочиқ билан тана қизаргунча, тезда қуруқ қилиб артиш. Фақат катталарнинг рухсати билан 
чўмилиш, катталарнинг назорати остида чўмилишнинг асосий қоидаларига риоя қилиш. 
Ялангоёқ юрганда оёқни шикастлантириш хавфи йўқ жойларда юриш. Чиниқтириш 
қоидаларини онгли равишда бажариш. 
Қоматни тўғри тутиш кўникмасини тарбиялаш. Эрталабки бадантарбия 
машқларини мунтазам равишда бажариб туриш. Бадантарбия машқлари таркибига тўғри 
қоматни шакллантирадиган, ясситовонликнинг олдини оладиган машқларни киритиш 
(катталар билан биргаликда). Тўғри қоматни мустақил назорат қилиб бориш қоидаларига 
риоя қилиш: орқа билан деворга суяниб, тик туриш, деворга елкани теккизиб туриш, юришда 
ана шундай ҳолатни сақлаш. 
Ҳаракат тартиби. Узоқ давом этадиган сайрлар ва экскурсияларда иштирок этиш. 
Бадантарбия машқларини бажариш. Ҳаракатли ўйинларда фаол қатнашиш. Машғулотлардан 
ташқари ҳаракатли ўйинлар ўйнаш.