12
- болаларда мақсадга тўғри йўналтирилган ҳаракатларни фаоллаштириш учун
шароит яратиш;
- ҳаракатларнинг муҳим ҳаётий турларини шакллантириш, юриш, югуриш,
сакраш, эмаклаш, ўрмалаш, отиш, илиб олиш, сузиш, велосипедда учиш, оёқ,
қўл, тана, бош ҳаракатларини ривожлантириш, сафланиш ва қайта сафланиш;
- ўйин ҳаракатларини кенгайтириш ва чуқурлаштириш, жисмоний сифатларни
ривожлантириш: чаққонлик, эпчиллик, зийраклик, иродалилик, сабр-қаноат,
кучлилик ва бошқаларга тенглашиб тик тутиш малакасини ошириш;
- бола қоматини тўғри шакллантиришга таъсир кўрсатиш ва ясси оёқлилик
касаллигининг олдини олишга ёрдам бериш;
- жисмоний машқ ва ўйинларнинг фойдаси, асосий гигиеник талаблар ва қоидалар
ҳақида етарли даражада тасаввур ва билимлар бериш;
- фаол ҳаракатга қизиқишни тарбиялаш.
Жисмоний тарбия дастурида ҳар бир гуруҳ учун кундалик ҳаракат тартиби
кўрсатилган.
Болалар жисмоний тарбиянинг асосий мазмунини мунтазам
равишда бажаришлари
учун турли усулдаги машқлар мавжуд. Булар асосий ҳаракатлар (юриш, югуриш, сакраш,
ирғитиш, илиб олиш, эмаклаш, сирпаниш); оёқ ва тана учун умумривожлантирувчи
машқлар (турли буюмлар ёрдамида ва уларсиз) рақс машқлари, сафланиш ва қайта
сафланиш, ҳаракатли ўйинлар, турли спорт ўйинларининг муҳим хусусиятларини эгаллаш,
спорт машқлари, роликли конькида сайр қилиш, велосипедда юриш, сузиш ва бошқалардан
ташкил топади.
Болаларни халқимизнинг энг буюк анъаналари руҳида тарбиялаш ниҳоятда муҳимдир.
Ўзбек халқи бошқа халқлар каби ўзининг қадимий анъанавий ўйинларига эга. Улар асрлар
мобайнида шаклланиб ва сайқал топиб
бугунги кунгача етиб келди. Дастурга замонавий
ҳаракатли ўйинлар қаторига ана шундай ўзбек халқ миллий ўйинлари ҳам киритилди.
Шу билан бирга дастурда ҳаракат сифатларини ривожлантирувчи, қоматни тўғри
шакллантирувчи ва ясси оёқлилик касалининг олдини олувчи махсус машқлар ҳам тавсия
этилади.
Жисмоний тарбия бўйича бажариладиган ишни тўғри режалаштириш ва ўтказиш уни
самарали ҳал этишда ниҳоятда муҳимдир.
Кун давомида турли хилдаги машғулотларни жисмоний машқ ва ҳаракатли ўйинлар
билан қўшиб олиб борилиши, боланинг тўғри ҳаракатини таъминлашга ёрдам беради.
Машғулотларга тавсия этилаётган дастур материали ўтказиладиган
жисмоний
соғломлаштириш тадбирлари мустақил машқлар ва ўйинлар учун асос бўлади. Таълим
вазифасининг асоси, жисмоний тарбия машғулотларида, тарбиявий ва соғломлаштириш
вазифалари жисмоний сифатларни ўстириш, болалар организмининг иш қобилиятини
такомиллаштириш, унинг ишга лаёқатлилигини ошириш орқали амалга оширилади.
Машғулотлар тўғри ташкил этилса, қизиқарли, ибратли жиҳатлари оширилса, болалар
ўз вақтида дам олишларига эътибор берилсагина жисмоний машқларнинг самарадорлиги
ортади. Машғулотда энг муҳими машқ ва ўйинларнинг тўғри тақсимланишидир. Бунда
машғулотнинг асосий вазифасини ажрата олиш лозим, унинг мазмуни кўзда тутган мақсадни
ҳисобга олиб, бола танасининг маълум қисмларига ҳар томонлама таъсир ўтказиш зарур. Шу
жумладан, машғулотлар унумдорлигини ошириш мақсадида турли машқларни бир-бири
билан боғлаш ҳам муҳимдир.
13
Машғулотни режалаштиришда ҳаракат тартибини ва такрорийлигини, вазифани тўғри
тақсимлаш ва болаларни уюштиришнинг энг аниқ ва оқилона усуллари кўзда тутилади.
Бунга, аввало, етарли ҳаракат фаоллиги ва машғулотларнинг зичлигини таъминлаш орқали
эришиш керак. Машғулотларни режалаштиришда гуруҳнинг шароити, машғулотлар учун
зарур бўлган жиҳозларнинг мавжудлиги ҳисобга олинади. Очиқ ҳаводаги машғулотлар
мазмуни йил фаслларига, об-ҳавога мувофиқ равишда танланади. Машғулотни
режалаштириш ва ўтказиш усуллари турлича бўлиб, улар асосий ҳаракат ва ўйин машқлари,
бир қолипдаги машғулотлардан тортиб турли хилдаги, яъни ҳаракатли ўйинлар, халқ
ўйинлари, эстафеталар, очиқ ҳавода ўтказиладиган машғулотларни ўз ичига олади.
Эрталабки бадантарбия, сайрдаги жисмоний машқ ва ўйинларни машғулотларнинг ўқув
материалига мувофиқлаштириш муҳим. Куннинг турли пайтида болаларнинг ҳаракат
фаоллигини ҳисобга олиш, шунга кўра, ҳаракат кўникма ва малакаларини такомиллаштириш
учун ҳаракат сифатларини ўстирадиган машқларнинг турли усуллари тавсия этилади.
Болаларнинг мустақил фаолияти тарбиячининг бевосита раҳбарлигида ўтади. У ҳар бир
боланинг ўйин ва машқларни эркин танлашига ҳаракат қилади.
Тарбиячи ҳаракат фаолиятига мос жиҳозни танлаш йўли билан болаларнинг
ташкилотчилик қобилиятини ўсишига ёрдам беради. Тарбиячи (мактабгача таълим
муассасасида ва оилада амалга ошириладиган ) жисмоний тарбия жараёнининг кетма-
кетлиги ва узлуксизлигига алоҳида эътибор қаратади. У бу ишни режалаштираётганда
боланинг ўзига хос хусусияти, ривожланиши, саломатлиги, жисмоний ўсиши, қизиқиши,
қобилиятлари ҳисобга олинади. Жисмоний тарбия дастурида ҳар бир гуруҳдаги
кундалик
ҳаракатлар белгиланган.
Ҳаракатнинг шаклланишига ёрдам қилиш, боланинг теварак-атрофга кўникишини
таъминлаш, гавданинг тик холатини сақлашга ўргатиш.
Болаларни мустақил ўйинларда ҳаракат фаоллигини бошқаришга ёрдам бериш ва
унга шароит яратиш .
Ҳаракатли ўйинларни ўйнашга бўлган эҳтиёжни ҳосил қилиш.
Болаларни тарбиячининг кўрсатмасига тақлид қилган ҳолда ҳаракатни тушуниб,
биргаликда ҳаракат қилишга, ўз ҳаракатини бошқалар ҳаракати билан солиштиришга
ўргатиш.
Ҳаракат йўналишини ўзгартириш, юриш ва югуриш вақтида ҳаракат характерини
сигналга боғлаб олиб бориш. Болаларни сакраш, жойидан узоққа сакраш, икки оёқлаб
юмшоқ ерга тушишга ўргатиш. Болаларни эмаклаш, тирмашиб чиқиш ва тўп билан ҳаракат
қилиш бўйича машқ қилдириш. Бу машқлар бажарилаётганда болаларнинг гавдани тўғри ва
товонни мустаҳкамлаб тутишига эътибор бериш.
Болаларда жисмоний тарбия машғулотларига, шунингдек, эрталабки гимнастикага
ижобий эмоционал муносабатни уйғотиш. Тарбиячи томонидан ташкил қилинган ўйин
машқлари, ҳаракатли ўйинларда фаол иштирок этиш.
Тайёрланган предмет ва ўйинчоқлардан мустақил ўйинларда ҳаракат
фаоллигини
оширишга ўргатиш.
Do'stlaringiz bilan baham: