Кичик гуруҳ (3-4 ёш)

Болалар чолғу асбоблари билан таништириш. Болалар шовқинли чолғуларини
(қўнғироқча, шиқилдоқча, бубен, доирача ) билиш, овозидан фарқлаш, катталар ёрдамида 
чала олиш. 
Турли мусиқий фаолиятларда болалар чолғу асбоблардан фойдаланиш. Катталарнинг 
металлофон, учбурчак каби чолғуларда (ихтиёрий) ижросидан баҳраманд қилиш.
Сурнайча, доирача, шиқилдоқчалар ва қўнғироқча каби болалар чолғуларида қўшиқ 
(“Қуёним” ўзбек халқ куйи) ва рақсларда катталар ёрдамида фойдаланиш.
Мусиқий таълимий ўйин. Мусиқий фаолиятларда олинган билимларни ўйинлар 
давомида намоён қилиш. (“Чумчуқлар ва мушук”, “Айиқчалар рақси”, халқ ўйинларидан 
“Чори-чамбар”, “Чапак чалиш”, “Қалдирғоч”) ўйнаш.
Болаларга тушунарли, қизиқарли бўлган воқеабанд ўйинларни ташкил қилиш. Ўйинда 
мусиқага мос ҳаракатланиш, нутқ, тасаввур ва тафаккурни ривожлантириш, болалар 
чолғулари, ўйинчоқ ва қўғирчоқлардан фойдаланиш.

---

44 
Болаларда зийраклик ва хотирани ривожлантирувчи, “Қайси чолғу яширинган”,
тасаввур ва сенсор ривожлантирувчи “Халтачада нима бор”, товуш баландлиги ва тембрни 
фарқлашга ўргатувчи, “Қуш ва қушчалар”, “Ўрмонда”, мусиқанинг темпини фарқлашга 
ўргатувчи “Юрамиз, югурамиз”, “Ўйинчоғим” каби мусиқавий таълимий ўйинларни 
машғулот вақтида ва мустақил фаолиятлари давомида гуруҳ хоналаридаги мусиқа 
бурчакларида ташкил этиш.
Мусиқага оид маълумотлар. Мусиқий товушлар ва шовқин берувчи товушларни 
фарқлашга ўргатиш. Мусиқий товушлар(паст-баланд) ҳақида илк тушунча бериш. 
Ўқув йили охирида бола:  
- турли хил мазмун ва кайфиятдаги мусиқани тинглайди, эслаб қолади; 
- тингланган куйларни таниб олади 
- қўнғироқча, шиқилдоқлар, доирача, металлофон, сурнайча, каби болалар 
чолғуларини танийди; 
- биргаликда куйлай олади; 
- қўшиқ куйлаш билан бир вақтда ҳаракатлар бажара олади; 
- ҳаракатли ўйинларда иштирок этади; 
- турли предметлар билан ҳаракатлар бажаришни уддалайди;