Кичик гуруҳ (3-4 ёш)

Асосий ҳаракатлар 
Юришни машқ қилиш. Турли усулларда ярим ўтирган ҳолда товонда бармоқ учлари 
билан қадам ташлаб турли томонга оёқни ёнлама қилиб, қарсак чалиб юриш, оёқ учида,
қўлларни бош орқасига қўйиб юриш. Кўзни юмган ҳолда 3-4 метр масофани ўтиш, оёқларни 
чалиштириб юриш. Ҳаракатларни бажариб юриш.
Югуришни машқ қилиш. Оёқ учида кичик ва катта қадам ташлаб тўсиқларни ошиб 
ёки айланиб ўтиш, югуриш вақтида турли буюмлар орасида илон изи бўлиб югуриш 
(югуриш 1,5-2 дақиқа давом этади) ҳамда 60-100 метрга ўрта тезликда югуриш. 
Сакрашни машқ қилдириш. Турган жойда оёқни жуфтлаб сакраш, оёқни чалиштириб 
тўғирлаб, галма-галдан ўнг ёки чап оёқдан сакраш, оёқни жуфтлаб ёнламасига пастроқ тўсиқ 
устидан сакраб ўтиш: гоҳ ўнг оёқда, гоҳ чап оёқда сакраш, 80 см узунликка сакраш югуриб 
келиб баландликка узунликка сакраш, қимирлаб турган ва қимирламай турган арғимчоқ 
устидан сакраш.
Отиб ва илиб олиш ирғитишни машқ қилдириш. Тўп билан бажариладиган 
машқларни мукаммаллаштириш. Тўпни кетма-кет 1 метр юқорига отишга ўргатиш. Тўпни 
ерга ташлаш ва икки қўл билан илиб олиш, юқорига отиб то тушгунга қадар қарсак чалишга 
улгуриш, кетма-кет 10 марта ерга уриб ўйнаш. Турли усулларда илиб олиш, оғир тўпларни
думалатиш кабиларни ўргатиш.
Эмаклаш ва ўрмалаб чиқишни машқ қилиш. Тўрт оёқлаган ҳолда бош билан тўпни 
3-4 метр масофага итариш. Тўсиқлар устидан эмаклаб ўтиш ўриндиқ устида орқага ва 
олдинга эмаклаш, қорин билан силжиш ўриндиқ остидан эмаклаб ўтиш, силжиш турларини 
алмаштириб туриш гимнастика деворига чаққон чиқиш арқонни ушлаб осилиш. Ётган 
ҳолатни эгаллаш шунингдек, эмаклаб ўтиш, нарвонга тез чиқиб тушиш, тирмашиб 
чиқишнинг турли усулларидан фойдаланиб нарвонга чиқиш ва тушиш арқонга имкони 
борича юқорига тирмашиб чиқиш.
Мувозанат қилишни машқ қилиш. Чекланган тор йўл бўйлаб ёнлама қадам қўйиб, 
биринчи оёқ товонига иккинчи оёқ учини текизиб ўтиш, бошга қум халтачани қўйиб қия 
тахта устидан тўғри ва ёнлама юриш, қия тахта устида оёқ учида чопиб чиқиш ва орқага 
қайтиб тушиш (дор ўйини) Гимнастика ўриндиғида тик туриш ва оёқ учида кўтарилиш, сўнг 
товонга оғирликни ташлаб ўтириш, орқага айланиш “Қалдирғоч бўлиб туриш” гимнастика 
ўриндиғи устидан юриб ўтиш, қўлни-қўлга бериб жуфт бўлиб айланиш.